Bodosa Newspaper

September 1, 2024
Facebook Youtube
Menu

Bodosa

नारें लेबुनि बागान खालामदोंब्लाबो जेबो मुलाम्फा जानाय मोनाखै।

by

बाक्सा,28 जुलाइ: दानफायनायनि अनगायै जेबो राहा गैया जादों आबादारिया। बाक्सा जिल्लानि सालबारि महकुमानि बेन्दोंयाव थानाय मातलिज’रा गामिनि नारें आबाद मावग्राफोरा गोबां दुखु जारलानि गेजेरजों नारें आबादखौ मावदोंब्लाबो बेसेन खमनि थाखाय दुखु मोन्नाय फोरमायदों। सरकारा नारें फिथाइखौ ल’न्डनाव दैथाय हरनायनि खोथा होदोंमोनब्लाबो बेसेन खमनि थाखाय नारें आबाद मावग्राफोरा गनायथिना लायाखै। जायनि जाहोनाव आबाद मावनाय नारेंफोरखौ साप्लाय हरनो हायाखै। साप्लाइ हरनो हायैनि थाखाय नारें आबाद मावनाय 7 बिघा हायाव नारेंफोरा मोननानै सेवलांनो हमदों होन्नानै आबादारिफोरा फोरमायो। बाजाराव लांब्लाबो खालिबोल’ थेला फाराखौल’ हरगानाय जायो आरो नारें फिथाइनि बेसेना खम जानायनि थाखायनो नारें बिफांफोरखौ दाम्फायाबा जेबो राहा गैलिया होन्नानै आबादारिफोरा दुखुजों फोरमायो।

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

by

गुवाहाटी,27 जुलाइ : आसाम इयुथ अलमपिकआव तामुलपुरसिम गोग्गानाय लाबोनो हादों।आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों। गुवाहाटीआव खुंजाबाय थानाय आसाम इयुथ अलिम्पिक 2022 आव तामुलपुर जिल्लानि जिल्ला गेलेमु आफादनिफ्राय बाहागो लाहैनाय गेलेगिरिफोरा मेडेल देरहानो हानानै जिल्लासिम गोग्गानाय लाबोनो हादों। मखनो गोनांदि, हिनजावसाफोरनि ख’ ख’ आरो नेट बल बादायलायनायाव तामुलपुर जिल्ला गेलेमु आफादनिफ्राय बाहागो लानाय हान्जाया सनानि मेडेल देरहानो हादों। लोगोसे हौवासाफोरनि रागबि बादायलायनायाव तामुलपुरनि हान्जाया सिलभार मेडेल आरो हौवासाफोरनि 100 मिटार खारनाय बादायलायनायाव तामुलपुर जिल्लानिफ्राय बाहागो लानाय रुपम कुमारआ सिलभारनि मेडेल देरहासारनो हायो। आसामनि गिबि खेब खुंजानाय इयुथ अलिम्पिकआव तामुलपुर जिल्ला गेलेमु आफादनि गेलेगिरिफोरा देहासारनानै मेडेल लाबोनो हानाया जिल्लानिसिम गोग्गानाय लाबोनो हादों।

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

by
बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

बे जुथुमायावनो दाफुंनाय जागोन गोदानै तामुलपुर जिल्ला एबसु बाक्सा 25,जुलाइ : बाक्सा जिल्ला दुलाराय बर’ फरायसा आफादनि 18थि बोसोरसालिया जथुम्मा आरो कुमारिकाता दख’रा एबसुनि 49थि जखन्थाइ खु़ंफुंनो थाखाय रायदाव आफादखौ दाफुंनानै लानाय जाबाय । बे खेबनि बोसोरसालिया जथुम्माखौ तामुलपुर जिल्लानि कुमारिकाता बगाजुलि हालामाव खुंफुंनाय जागोन । बेनि थाखाय MLA जलेन दैमारिखौ गाहाइ मासिगिरि, समाज सिबियारि बल’राम बर’खौ मावफुं आफादगिरि आरो कुमारिकाता दख’रा एबसुनि बारग’ आफादगिरि एलपिसिं नार्जारिखौ गाहाइ लिंथुमगिरि बिबान होनानै मोनसे गोख्रों रायदाव आफादखौ दाफुंबाय आरो मोनफ्रोमबो साभ-कमिटिफोरखौ दाफुंनानै लाबाय । फैगौ नभेम्बर दानाव खुंफुंजानो गोनां  बाक्सा जिल्ला एबसुनि बे बोसोरसालिया जथुम्मायावनो तामुलपुर जिल्ला एबसुखौबो  दाफुंनानै लानाय जासिगोन।‌ मख’नो गोनांदि बे आफादावनो बागसा जिला एबसुआ तामुलपुर जिला एबसु आरो तामुलपुर जिला एबसु महरै मोननै जिलायाव महर मोनसिगोन।

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

by
कास्तम बसुमतारि

कक्राझार,जुलाइ 17: कक्राझारआव AJP दोलोनि जयेन्त सेकरिटारि कास्तम बसुमतारीनि बेरफ्रुसार बिबुंथि । फरायसा आफादनिफ्राय राजखान्थि हान्जायाव जयेन्त जाखांनायनि उनाव खासतम बसुमतारीनि गिबि बिबुंथि। आसामाव जेब्लासिम BJP सोरखार थागोन अब्लासिम फिसा फिसा हारि हारिसा फोरनि मोन्थायफोरा जोबस्रांलांगोन। बे बाथ्राखौ बुंदों आसाम जाथिय परिसदनि जयेन्त सेकरिटारि खासथम बसुमतारीआ । कक्राझारआव खुंफुंनाय AJP दोलोनि इयुत मीत आव बाहागो लानानै खासथम बसुमतारीआ बुङोदि बिजेपि दोलोआ फिसा फिसा पलिटिखेल पारथीफोरखौ फोजोबस्रांनायनि खैसार खालामो। दिनै आसामाव बिजेपि दोलोनि सोरखारा ट्राइबेल सुबुंफोरखौ होखारनाय, नासनाय आरो गादबनाय हिन्दुताबादी धोरोमनि गेजेरजों सामलायो होन्ना गोख्रों बिबुंथि होदों। बिटिआरनि गाहाय खुंगिरि प्रमद बर’जों लोगोसे गुबुन गुबुन राजखान्थि हान्जानि दैदेनगिरिफोरा BJP राजखान्थि हान्जानि बुलि जांनांङा बिनि थाखाय गोख्रों सांग्रांथि होदों। कक्राझार सहरनि राजमेला फोथाराव थानाय आसाम साहित्य सभा भबनआव खुंफुंनाय, आसाम जाथिय परिसद आरो जाथिय जुब शक्ति दालायनि बान्जायनायाव लाइमोन फोरनि जुथुमाव बाहागो लानानै आसाम जाथिय परिसदनि जयेन्त सेकरिटारि कास्तम बसुमतारीआ दुलाराय बर फरायसा आफादनिफ्राय राजखान्थि हान्जायाव थांनायनि गुबै जाहोन फोरखौ रोखायै फोरमायदों।

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

by

तामुलपुर ,15 जुलाइ : बोसोरफ्रोमबो दैज्लां बोथोर सफैब्लाथाय जावले-जावले माथावरि बायफ्लंनानै बोसोराव खनब्रै-खनबा बानदो थेनानै संखा बानदो, जामफैनि दैखौ दिखांनो गोनां जाबोदों पलासगुरि, दकिन पलासगुरि आरो कादंगा गामिनि आबादारिफोरा  । नाथाइ बे बोसोरावबो जावले-जावले माथावरि बायफ्लंनायाव बानदो दिखांनो हायैलाय तामुलपुर जिल्लानि 26 नं दारांगाजुलि बियाबनि चेछापानि पलासगुरि, दकिन पलासगुरि आरो कादंगा गामिनि आबादारिफोरा जिंगा सिनांदों । तामुलपुर बियाबनि  बारग’ MLA इमानुवेल मोसाहारी,26 नं दारांगाजुलि बियाबनि MCLA बिजिदगोरा नार्जारी, बिथांमोननो बेनि सायाव राहा खालामनानै होनो थाखाइ आर’ज बिलाइ गथाइनानै खावलाइदोंमोनब्लाबो बेनि सायाव जेबो राहा खालामनानै होआखै होननानै अजद दिखांदों आबादारिफोरा । नाथाइ आबाद फोथाराव दै थोबसेबो गैयैनि जाउनाव नांगोला नांगोलैनो गोलैना दं खोथिया थिलियाव खोथियायैनो दं, दै दिखांनानै माइ आबाद बोखांनो हागोनना हाया दुखुजों खाफाल हमदों  चेछापानि पलासगुरि गामिनि आबादारिफोरा । आसाम राइजोआव हिमन्त बिस्व सर्मा दैदेननाय BJP सरखार आरो बि टि आराव प्रमद बर’ दैदेननाय UPPL सरकार लोगोसे 58 नं तामुलपुर बिधान सभा बियाबनि MLA जलेन दैमारी, 26 नं दारांगाजुलि बियाबनि MCLA बिजिदगोरा नार्जारी बिथांमोनखौ थाबैनो राहा खालामनानै होनो खौरांगिरिनि गेजेरजों खावलाइदों पलासगुरि, दकिन पलासगुरि, कादंगा गामिनि आबादारिफोरा ।

कुमारिकाटा UN एकाडेमियाव दान मोनसेनि गोलोम बोथोर बन्दनि समाव सोलिगासिनो दामजु दामनाइ सोलोंथाइ मावबादा ।

by
कुमारिकाटा UN एकाडेमि

बाक्सा,14 जुलाइ : तामुलपुर जिल्लानि सिङाव थानाय कुमारिकाटा UN एकाडेमिनि  दिथागिरि मनेस्वर बर’ आरो गोरायुं बिरखां नार्जारी बिथांमोननि दैदेननायाव कुमारिकाटा UN एकाडेमियाव फरायसाफोरनो दामजु दामनाइ सोलोंथाइ मावबादा लानानै फोरोंथाइ होगासिनो । गुबैयै बेवहाइ खाम, सिफुं, सेरजा, भाइलिन, आरो हारमुनियाम दामनाइ बायदिखौ फोरोंथाइ होनाइ हाबारिया सोलिगासिनो दं । गोरायुं बिरखां नार्जारीया फोरमायनाइ बायदिब्ला गोलाव सम गोलोम बोथोरनि बन्द’आव फरायसाफोरखौ गोदाव सोराव थाहोआलासेनो माबा मोनसे सोलोंनायाव मुखुब जानानै थाहोनो आरो रोंगौथिखौ फेहेरनो थांखिजों बेफोर आइदाखौ लानाइ जादों होनना मिथिहोदों ।

सान्दुं गोसानि समाव रानथाबनानै खामानि मावग्रा सुबुंफोरनो जाग्रा आदार रान्नानै होदों समाज सिबियारि नबिन गयारि

by
Nabin Gayary

बाक्सा, 13 जुलाइ : समाज सिबियारि नबिन गयारिनि सुबुं सिबिथाइ आखु। बाक्सा जिल्लानि सालबारि ओनसोलाव बयजोंबो मिथि जानाय सासे समाज सिबियारि नबिन गयारिआ सिगां समफोराव सालबारि ओनसोलनि गोबां राइजो राजाफोरखौ  हारि-धोरोम फाराग खालामालासे सुखु-दुखु नि समाव आरो दैबानानि खैफोदनि समावबो गोबां खौरां लानानै मदद होबोदों। बेबायदिनो दिनैबो सान्दुं गोसानि समाव रानथाबनानै खामानि मावग्रा सुबुंफोरखौ खौरां लानायजों लोगोसे पातेमाबाट साहा बागाननि साहा बिलाइ खाग्राफोरनो गावनि आखाइजोंनो गासै साहा खाग्रा सुबुंफोरनो नारें रोसि सेबनानै लोंहोनायजों लोगोसे जाग्रा बेसादफोर जाहोनानै गोजोन होयो आरो साहा बिलाइ खाग्राफोरा सान्दुं गोसानि समाव गावसोरखौ खौरां लाफैनायनि थाखाय बिथां समाज सिबियारि नबिन गयारिखौ बोर सास्रियो। सेन्ट जिभियार इंलिस स्कुलनिबो बिगुमा बिथां नबिन  गयारिआ लोगोसे खौरांनि गेजेरजों फोरमायोदि, सालबारि महकुमानि ओनसोलाव गासै राइजो राजाफोरनो गावनि रां खरसा खालामनानै सिगांबोगानग्रा जिजों लोगोसे जाग्रा मुवा बेसाद बायदि बायदि  मदद होबोबाय थादों आरो फैगौ समफोरावबो बेबायदिनो रायजो राजाफोरखौ मदद होलांबाय थागोन होनानै फोरमायदों ।

रायजोनि हाग्रा आरो आबहावा बिफाननि मन्थ्रि चन्द्र महन पाठवारिआ दिनै कक्राझार आव दावबाय फैदों

by
रायजोनि हाग्रा आरो आबहावा बिफाननि मन्थ्रि चन्द्र महन पाठवारिआ दिनै कक्राझार आव दावबाय फैदों

बड’सा, 12 जुलाइ : बि टि आर हालामनि हाग्रा आरो आबहावा संरैखाथिनिफारसे खौरां लाफैनो थाखाय दिनै आसामनि मन्थ्रि चन्द्र महन पाठवारिआ कक्राझारआव दावबाय फैना   बड’फा नोगोराव थानाय सेक्रेथारिएथ मावखुलिनि सावराय नब्लांआव मोनसे सावरायनाय हाबाफारि लायो। बे हाबाफारिआव बिथां चन्द्र महन पाठवारिजों लोगोसे आसामनि आबहावा आरो हाग्रा बिफाननि ADDL CHIEF SCRETARY IAS रबिसंकर प्रसादआबो बाहागो लाफैयो बेनि अनगायैबो बि टि आर हालामनि गाहाय खुंगिरि प्रमद बर’जों लोगोसे बि टि आरनि हाग्रा बिफाननि मावफुं सोद्रोमा  रनजिद बसुमतारी,रेवरेवा नारजिहारि ,एम एल ए जिरन बसुमतारी आरो कक्राझारनि जिल्ला बेंगिरि बरनालि देखा, कक्राझारनि एस पि प्रतिक भिजय ठुबे आरो गुबुन गुबुन बिफाननि बिबानगिरि फोरा बे सावराय हाबाफारिआव बाहागो लायो। खौरांगिरिनि सिगांआव हालामनि हाग्रा ओनसोलखौ  जौगा होनाय आरो हाग्रानि मैदेरा मानसिनि थाग्रा  जायगायाव उथखार खालामनायखौ गैया खालामनो हाग्रा ओनसोलफोराव नांगौ बादि आदार बिफां गायनाय आरो  उलथाफानि हाग्रा ओनसोलखौ जोबस्रां नायनिफ्राय रैखाथि होनायनि गोनांथार बाथ्रा बुंथियो आसामनि हाग्रा आरो आबहावा बिफाननि मन्त्री चन्द्र महन पाठवारि बिथांआ।

गामिआरि लामानि सायाव गोनांथार सावरायमेल खुंदों।

by

चिरां जिल्ला PWD बिबानगिरिआ गामियारि लामा आरो बेनि जौगानायनि बिहोमा आरो काजलगावनि District centre आव खुंगा 75 थि भारत उदांस्रि सान फालिथाइखौ लोबबा लाखिनानै मोनसे गोनांथार सालरायमेल खुंफुङो। बे हाबाफारिआव UPPL नि मावफुं आफादगिरि रोनगोरा नारजारि,  MCLA सायखं बसुमथारि, लेङाय बुंथिगिरि अबिराम महानायक, जिलला बेंगिरि नारेनद्र’ कुमार साह, PWD नि बिबानगिरि आरो  थिखादारफोराबो बाहागो लादोंमोन।

बाक्सानि बरमायाव बारग’ NDFB फोरा सोमावसारनाय हाबाफारि लादों।

by

बाक्सा जिल्लानि बरमा जौसिन फरायसालिनि गेलेग्रा फोथाराव दिनै बारग’ NDFB नि सोद्रोमाफोरा मोनसे सोमावसारनाय हाबाफारि लायो ।  बे सोमावसारनाय हाबाफारियाव बारग’ NDFB नि सोद्रोमाफोरा NDFB नि गाइसनगिबि आफादगिरि रन्जन दैमारीखौ 15 आगष्टनि सिगांनो हगारनांगौ, बारग’ NDFB नि सोद्रोमाफोरनि अनसुंथाइखौ थाबैनो होनांगौ, बारग’ NDFB नि सोद्रोमाफोरखौ साख्रिरियाव थिसननांगौ, BTR रादाय बादियै BTR नि गासैबो दफाफोरखौ थाबैनो मावफुंनो नांगौ, लोगोसे जोबथेसालियाव जोबनानै दोनजानाय गासै सोद्रोमाफोरखौ उदां खालामनांगौनि दाबिजों बायदि बायदि स्लगान होस्रिखावनानै बरमा सोहोरखौ दुंहाव खालामो।