Bodosa Newspaper

March 19, 2024

श्रीरामपुरआव फिन दाव ब्रइलारजों आबुं गं 10 बलेर पिकआप भेनखौ सिमलतापु पुलिसआ हमदों।

श्रीरामपुर 30 मार्च: राइज्योनि जुनात फिसिनाय बिफाननि होबथानायनि उनावबो आसाम-सोनाब बंग सिमनाजों आइन बेरेखायै दाव ब्रइलार फालांगिया सोलिगासिनो दङ। आसामयाव गुबुन राइज्योनिफ्राय दाव ब्रइलार लाबोनायखौ होबथानायनि उनावनो आइन बेरेखायै दाव फालांगि खालामनायाव सिन्दिकेट हान्जाया सांग्रां जादों।

हरनि समाव सिन्दिकेट हान्जाया माहारियारि राजा लामानि सोलायै गामियारि लामाजों गोबां रां लानानै दाव ब्रइलार रोगानाय गारिफोरखौ आसामाव हाबहोनायनि राहा लायो। बेबायदिनो थांनाय हरनि समावबो सोनाब बंगनिफ्राय आइन बेरेखायै दाव ब्रइलारखौ आसामाव लाबोनाय गासै गं 10 बलेर पिकआप भेनखौ सिमलतापु पुलिसआ आसाम-सोनाब बंग सिमनानि श्रीरामपुरयाव हमनो हायो।

आसाम-सोनाब बंग सिमनानि गामि ओन्सोलजों आइन बेरेखायै दाव ब्रइलार रोगानाय AS 16 AC 4220, AS 26 C 9736, AS 15 C 6609, AS 1 HC 0196, AS 01 HC 6375, AS 16 AC 3791, AS 16 C 6550, AS 1 AC 6373, AS 16 AC 4243, AS 26 C 8211 नम्बरनि बलेर पिकआप भेनखौ सिमलतापु पुलिसआ हमनो हायो।

Share with your friends!

Leave a Comment