Bodosa Newspaper

September 1, 2024
Facebook Youtube
Menu

BTR

गसाइगावनि श्रिरामपुरआव पुलिसनि सिग्रोमनायाव गोबां बिबांनि गान्जाजों लोगोसे गंसे ट्राकखौ हमदों

by

गसाइगाव महकुमानि आसाम-सोनाब बंग सिमानि श्रिरामपुरआव 31 नम्बरनि माहारियारि राजा लामायाव दिनै सोरांसि बुब्लियाव सिमलतापु पुलिसआ सिग्रोमनाय हाबाफारि लानानै गोबां बिबांनि गान्जाजों लोगोसे पि बि 08 डि एस 6178 नम्बरनि गंसे ट्राकखौ हमनो हायो। लोगोसे सानै सुबुंखौबो हमनो हायो। हमनो हानाय सानै सुबुंफोरखौ सोनाब बंगनि हुग्लि जिल्लानि तपास अधिकारि आरो प्रितम सिंह होन्नानै सिनायथिदों।  बोखांनो हानाय गासै 61 पेकेट गान्जानि लिरथाया 622 किलग्रामसो जागोन आरो बेनि बेसेना 50 लाख रांनिबो बांसिन जागोन होन्नानै मिथिनो मोन्नाय जादों।

चिरां जिल्लानि रुनिखाता बाजारनि हाखौ लाना मोननै हानजानि गेजेराव बेले-बेजे सोमजिदों।

by

चिरां जिलला रुनिखाता थाना आरो बेंटल खाजोना मावख’नि सिंआव गोगलैनाय रुनिखाथा बाजारनि दखरसे हाखौ लाना मोननैबो दोलो बि पि एफ आरो इउ पि पि एल नि गेजेराव बेले-बेजे थासारि सोमजिदों। 14 चिरां दुवार ब्लक बि पि एफ दोलोनि सायाव रुनिखाता बाजारनि हाखौ आयेन बेरेखा दखल खालामनो नागिरनायनि आजद होदों 14 चिरां दुवार ब्लख इउ पि पि एल दोलोआ। रुनिखाता सप्ताहयारि बाजाराव थानाय हायाव दिनै पुलिस बिफाननि मदद लाना इउ पि पि एल आरो ओनसोलनि सुबुंफोरा गेटखौ खेवफैयो आरो बे हाखौ माखासे सुबुंफोरा राजखान्थि हानजानि मुलाम्फानि थाखाइ हगारनाय जानाय नङा होन्नानै बुङो। मानोना बे हाखौ बि टि सि सरकारा थांनाय 2005 माइथाइआव बि एस एन एल कम्पानिनो हगारना होदोंमोन आरो बिनि उनाव बि एस एन एलआ नागारनायनि उनाव बे हाया रायजो-राजाफोरनि जाबाय होनना दाबि दैखाङो। राइजोफोरा ओनसोलनि जौगानायनि बिथिंनि थाखायल’ हगारनाय जागोन होननाबो दाबि दैखांबावो। बेराफारसे बि पि एफ दोलोनि मावथिफोरा अजद होनायखौ नेउसिनानै गावसिनि 14 चिरां दुवार ब्लक बि पि एफनि मुंआव हाखौ बाहागो मोनखानाय होनना फोरमान बिलाइफोरखौबो दिनथियो। बिथांमोनहा सिगांनो इउ पि पि एल दोलोनि सुबुंफोरनो हाखौ लाना बेले-बेजे जानो गोनां गैया होन्नानै बुङो। मानोना बे हानि फोरमान बिलाइफोरा जोंनाव दंखायो बिनिखायनो सावरायलायनो लेंहरसेयावबो फैयाखै होनना अजद दैखांदों। गुबुन फार्सेथिं इउ पि पि एल दोलोनिनि सासे गोगख्रों दैदेनगिरिआबो फिन होयोदि बे हाया बि एस एन एल नो होननाय जादों आरो दाबो बि एस एन एल निनो। मानोना हाखौ जुदि बिसोर गावसिनि बुंदोंब्लाबो खाजोना बिफाननि मावख’आव ”ट्रेस मेप” थायो बे गैया लोगोसे फोरमान बिलाइआव बे हायानो होनना लिरनायबो नङा होननानै बिथाङा दाबि खालामबावदों।

काउरबाहा बरघुलिआव थानाय गुदि सावस्रि मिरुनि गोदान भबननि अन्थाइ खाम्फा बेखावदों

by

रङिया बिधान सभा बियाबनि सिङाव थानाय 30 नं गरेस्वर बियाबनि काउरबाहा बरघुलिनियाव थानाय खोन्दो गुदि सावस्रिमिरुनि बादायाव गोदान भबननि अन्खौथाइ खाम्फाखौ बेखेवदों। 1 कौटि 75 लाख रांजों लुफुं जानो गोनां गोदान भबननि अन्खौथाइ खाम्फाखौ बेखेवनानै होयो राज्योयारि बि जे पिनि आफादगिरि भबेस कलिता, बि टि सिनि सावस्रि बिफाननि मावफुं सोद्रोमा अरुप कुमार दे आरो 30 नं गरेस्वर बियाबनि सोद्रोमा पबित्र कुमार बरआ बेखेवनानै होयो। बे हाबाफारियाव गरेस्वरनि सत्र बिबानगिरि कुकिला गगैजों लोगोसे सावस्रि बिफाननि बिबानगिरिफोर आरो ओन्सोलनि राइजो-राजाफोराबो बाहागो लादोंमोन।

उत्तरकुसिनि जुनाद फाहामसालिया भुट बांग्लायाव सोलायलांनो हमदों

by

बाक्सा जिल्लानि भारत-भुटान सिमा ओन्सोल उत्तरकुसिनि जुनाद फाहामसालिया आबुङै लुफुंजानायनि उनावबो जुनाद फाहामगिरि एबा चकिदार थिसनजायैनि जाहोनाव गोलाव समनिफ्राय हाग्रा-बंग्रा साग्लोबजानानै भुट बांग्लायाव सोलायलांनो हमदों। मखनो गोनिंद 62 नं बरमा बिधान सभा बियाबनि सिङाव थानाय उत्तरकुसि जुनाद फाहामसालिखौ थांनाय 2015 माइथायावनो लुफुंनाय जादोंमोन नाथाय दिनैसिमबो बिफानारि बिबानगिरिआ सासेबो फाहामगिरि थिसनाखैसै। ओन्सोलनि राइजो-राजा अजद होनाय बादिब्ला बे आयदाखौ लानानै बिफानारि बिबानगिरि आरो राजखान्थियारि सुबुं थान्दैफोरजों गोबां खेब खावलायहरदोंब्लाबो जेबो गाहाम फिथाय मोननो हायाखै। जाउनाव जुनाद फाहामथायनि थाखाय ओन्सोलनि राइजो-राजाफोरा 3-4 किलिमटार गोजानाव थानाय गुबुन जुनाद फाहामसालियाव हान्थिनो गोनां जाबोदों। ৷

इउ पि पि एल गरेस्वर ब्लक कमिटिआ गरेस्वरखौ महकुमा महरै गायसन्नांगौनि दाबि दैखांदों।

by

इउ पि पि एल दोलोनि गरेस्वर ब्लक कमिटिया दिनै गरेस्वरखौ महकुमा महरै गायसन्नांगौनि दाबिखौ लानानै राज्योनि गिबि मन्थ्रि हिमन्त बिश्व शर्मा आरो बि टि सिनि गाहाय मावफुं सोद्रोमा प्रमद बरनिसिम गरेस्वर सार्कल बिबानगिरिनि गेजेरजों गांफा गांफा गोसोखां लाइ दैथायहरो। बेजों लोगोसे गरेस्वर दखरा शरनीया कसारी फरायसा आफाद आरो गरेस्वर दखरा शरनीया कसारी सन्मिलनिआबो गरेस्वरखौ महकुमा महरै गायसन्नांगौनि दाबिखौ लानानै मन्थ्रि हिमन्त बिश्व शर्मा आरो बि टि सिनि गाहाय मावफुं सोद्रोमा प्रमद बरनिसिम गोसोखां लाइ दैथाय हरो।

कक्राझारनि भटगावआव जल जिबन बिथांखि बेखेवदों।

by

कक्राझार नोगोरनि खोला फारसे 5 किल’मिटार जान्थायाव थानाय भटगावआव बि टि आरनि गाहाय मावफुं सोद्रोमा प्रमद बर’आ बे जल जिबन मिसन बिथांखिनि सिङाव गोदानै लुफुंनाय भटगाव पाइपलाइन दै जगायग्रा बिथांखिखौ बेखेवनानै होयो। जल जिबन मिसन बिथांखिनि गेजेरजों बि टि आरनि साहा ओनसोलनि लोंग्रा दैनि जेंनाया बोस्रांजागोन आरो बे बिथांखिनि गेजेरजों बि टि आर हालामनि 2 लाख 50 रोजा नखरफोरनो गोगो लोंग्रा दै जगायनायनि थांखि लादों होन्नानै खौरांगिरिनि सिगाङाव बि टि आरनि गाहाय प्रमद बर’आ बुङो।

AJYCP आफाद आ गरेस्वरखौ महकुमा खालामनांगैनि दाबि दैखांदों ।

by

तामुलपुरखौ जिल्ला जानाय लोगो लोगोनो गरेस्वरखौ महकुमा खालामनो थाखाय आसामनि गिबि मन्थ्रि ड° हेमन्त बिश शर्मा आरो BTR नि गाहाइ मावफुं सोद्रोमा प्रमद बर’ बिथांमोननिसि गांसे गोसोखां बिलाइ ग’थायदों। मख’जाथावदि बिथांमोना फोरमायनाय बायदिब्ला गोसोखां बिलायखौ गरेस्वर बेंखन माखगिरि बिथांनि आखायाव गथायदों होननानै फोरमायदों बाक्सा जिल्लानि AJYCP नि आफादगिरि हआयदु रहामान बिथाङा फोरमायदों । गरेस्वरखौ थाबैनो महकुमा खालामनांगौनि दाबि दैखांदों AJYCP आफादा ।

आसामनि मन्थ्रि रन्जित कुमार दास आ सानथामनि हाबाफारिजों कक्राझार दावबायफैदों।

by

सानथामनि हाबाफारिजों कक्राझार दावबायफैनानै दिनै बि टि आर नि गाहाय खुंगिरि प्रमद बर’नि नुजाथिनायाव कक्राझार चार्किट हाउसआव कक्राझार हालामनि मेलेमजिबि सानसुमै, गुबुन गुबुन फरायसालिमाफोरनि बिबुंगोरा लोगोसे सोलोंथाइगिरि, गेलेमु, हारिमु बायदि फोदारनि दैदेनगिरि बिबानगिरिजों गोनांथार आयदाफोरनि सायाव सावरायलायो मन्थ्रि रन्जित कुमार दासआ।

बाक्सा जिल्लायाव नेमसुआ मिजरावनि गिबि मन्थ्रि जरामथांगानि मुसुखा सावदों

by

आसाम मिजराम सिमा जेंनाखौ लानानै सोमजिनाय गुलि गावलायनाय जाथायाव सा 7 आसाम पुलिसनि बिबानगिरिफोरनि जिउ गोमानाय जाथायखौ लानानै गुबुन गुबुन दोलो-आफादफोरा सोमावसारनाय हाबाफारि लाबोदों। बेबायदिनो दिनै नेमसुनि बाक्सा  जिल्ला आफादनि बान्जायनायाव गरेस्वरआव मिजरामनि गिबि मन्थ्रि जरामथांगानि मुसुखा सावनाय हाबाफारि लानायजों लोगोसे आसाम सरकारा फेलें जानायनि थाखाय राज्यो नखर बिफान आरो गिबि मन्थ्रिनि बिबानाव थानाय हिमत बिस्व शर्माखौ गोख्रों रावजों निन्दा खालामो।  

चिरां आव ” हादर सिबिथाय सान” फालिदों।

by

काजलगाव महखुमा फोरमायथाय आरो सुबुं फोनांजाब मावख’गिरिनि बानजायनाय आरो मावखनिनो सावराय नब्लांआव हादर सिबिनाय सान” फालिदों गेदेमा रुंसारि तरुनराम फुखन नि थैनाय सानखौ लोबबा लाखिनानै । तरुन राम फुखना 22 जानुवारि 1877 आव जोनोम जानानै 28 जुलाई 1939 माइथाइआव रुंसारि जादोंमोन।  बिथां आ सासे गोगख्रों दैदेनगिरिमोन इनडियान नेसनेल खंग्रेग दोलोनि। बे मेहेर गोनां दिनखौ फालिनायाव चिरां जिललानि उफ्रा जिलला बेंगिरि, फनिनद्र दास, सहित’ बानथा मोनगिरि मुस्रि लखिनाथ ब्रह्म, चिरां जिलला प्रेस क्लबनि आफादगिरि मुस्रि अब्बु बख्खार सिधिग, फोरमाइथाइ आरो चिरां जिललानि सुबुं फोनांजाब मावख’गिरिनि मुस्रि गगन नारजारि जों लोगोसे बे जिललानिनो गोबां खौरांगिरि मोनहा नुजाफैनानै बिथां तरुन राम फुखनानो खुलुमना मान बावदों। चिरां जिलला नि उफ्रा जिलला बेंगिरि, फनिनद्र दास आरो मुस्रि लखिनाथ ब्रह्म मोनहा गावसोरनि बिबुंथि लाखिनाय समाव तरुन राम फुखनानि जिउ जारिमिन, बिथांनि हदर उननाय आरो हदरनि उदांस्रिनि थाखाइ खामानि मावनायनि सायाव सुंद’यै फोरमायलांयो।