गसाइगावनि श्रिरामपुरआव पुलिसनि सिग्रोमनायाव गोबां बिबांनि गान्जाजों लोगोसे गंसे ट्राकखौ हमदों
गसाइगाव महकुमानि आसाम-सोनाब बंग सिमानि श्रिरामपुरआव 31 नम्बरनि माहारियारि राजा लामायाव दिनै सोरांसि बुब्लियाव सिमलतापु पुलिसआ सिग्रोमनाय हाबाफारि लानानै गोबां बिबांनि गान्जाजों लोगोसे पि बि 08 डि एस 6178 नम्बरनि गंसे ट्राकखौ हमनो हायो। लोगोसे सानै सुबुंखौबो हमनो हायो। हमनो हानाय सानै सुबुंफोरखौ सोनाब बंगनि हुग्लि जिल्लानि तपास अधिकारि आरो प्रितम सिंह होन्नानै सिनायथिदों। बोखांनो हानाय गासै 61 पेकेट गान्जानि लिरथाया 622 किलग्रामसो जागोन आरो बेनि बेसेना 50 लाख रांनिबो बांसिन जागोन होन्नानै मिथिनो मोन्नाय जादों।