• Home
  • /
  • BTR
  • /
  • 2019-2020 माइथायनि 6 दाननि गेजेराव नुजानाय गेना थिसन्थायनि बागैल’ संदान्नो राइज्यो बेंगिरिखौ खावलायनाय जादों : दिपेन बर’

August 21, 2020

2019-2020 माइथायनि 6 दाननि गेजेराव नुजानाय गेना थिसन्थायनि बागैल’ संदान्नो राइज्यो बेंगिरिखौ खावलायनाय जादों : दिपेन बर’

कक्राझार, 20 आगस्ट: थांनाय 17 आगस्टखालि खौरां बिलाइआव बि पि एफनि आमोलाव जालांनाय गेना राहाजों साख्रियाव थिसन्थाय होनायनि बागै फोसावजानाय खौरांनि सायाव रोखा खालामदों मिरु एबसुनि आफादगिरि दिपेन बर'आ।

गांसे प्रेस बिबुंसारनि गेजेरजों आफादगिरि दिपेन बर' आ फोरमायथि हरनाय बायदिब्ला थांनाय 2019-2020 माइथायनि गेजेराव हाग्रामा महिलारि दैदेन्नाय बि पि एफ खुंथायनि आमोलाव खुंथाइया थुंगेनायनि 6 दान सिगां गेनायै साख्रि थिसन्नायनि सायावल' सं दान्नो आरो राहा लानो थाखाय राइज्यो बेंगिरि प्रफेसार जगदिश मुखिनि खाथियाव गोसोखां बिलाइ गथायनाय जादोंमोन, खौरां बिलाइयाव फोसावजानाय बायदि 2005 माइथायनिफ्राय 2020 माइथायनि गेजेराव नङा। फोसावजानाय खौराङा बि टि सिनि गोबां गुबुन गुबुन बिफाननि सरकारि मावसुमाफोरनि गेजेराव गुलुं-गुजुं आ गोरोन्थि बुजिनाय लाबोदों होन्नानै मख'ना आफादगिरि दिपेन बर'आ प्रेस बिबुंसाराव मख'दोंदि, खौरां बिलाइयाव फोसावजानाय बायदि नडा।

अदेबानि बेनि गेजेरावबो मुख्लं नख'रनि सोद्रोमा, सैनांनाय नख'रनि सुबुं, कन्पेसेसन ग्राउन्डयाव सोसनजानाय आरो थार राहाजों थिसनजानाय थिसन्थायनि बेलायाव मोनबो रोखोमनि अजद एबा संदान्नो नारसिन्नाय जायाखै होन्ना रोखा खालामो।

नोजोर होथाव बाथ्रादि, थांनाय माखासे दाननि सिगां इउ पि पि एल दोलोनि मिरु माव' आफादनि सोद्रोमा पृथ्विराज देब नारायन मेचआ कक्राझार थानायाव महिलारि दैदेन्नाय बारग' बि टि सि सरकारनि आमोलाव गेना थिसन्थाय जादों होन्नानै गसर थिसन्दोंमोन। जाय जाथाया बि टि सिनि गुबुन गुबुन बिफाननि सिङाव साख्रि मावनाय साख्रिआवलाफोरनि गेजेराव गुलं-गुजुं थासारि सोमजिहोनायजों लोगोसे बावैसो सानसि सिगां बेनि हेंथायै आयेननि गेजेरजों जुजिनो बाक्सा जिल्लायाव बि टि सि साख्रि आवला आफाद मुंनि गौथुमबो दानाय जादोंमोन। नाथाय बे गासै थासारिखौ रोखा खालामनानै आफादगिरि दिपेन बर'आ मख'जानाय खौरांबादि नङा अदेबानि 2019-2020 माइथायनि गेजेराव थानाय 6 दाननि समाव थिसन्थायनि सायावल' सं दान्नो थाखाय गोसोखां बिलाइ गथायना बाथ्राखौ मिथिहोदों।

गुबुन फारसे एल पि आरो आपार प्राइमारि थाखोनि थाखाय खुंजानाय टेट आन्जादनि सायख'जानाय बिजाथिफोरनि मुंखौ सि टि इ टि बेकग्राउन्ड जानायनि थाखाय सायख' फारिलाइनिफ्राय फोसावखांनायनि उनावबो बोखारफिन्नायखौ लाना गोख्रों फिनजाथाय होदों आफादगिरि दिपेन बर'आ। मख'नाय बायदिब्ला बर' रावखौ अबसनेल लेंगुवेज महरै थिसन्नाय जायाखै। बिथाङा फोरमायथिदोंदि, उथ्रिसार जानायनि उनावबो उथ्रिसार जानाय फारिलाइनिफ्राय बोखांना लाजानाय बिजाथिफोरा सा 4 गवालपारा जिल्लानि, सा 2 आ शनितपुर जिल्लानि आरो गासै बिजाथिफोराबो बर' बिजोंनिफ्राय जिरायनाय बिजाथि गोजा। बेखायनो दुलाराइ बर' फरायसा आफादआ सायख'जानाय बिजाथिफोरखौ फिन फारिलाइयाव सोसनफिन्नो बिफानारि खुंथायखौ खावलायदों।

 बेबायदिनो आसाम इडुकेसन (प्रभिन्सिएलाइजेसन अफ सार्भिसेस अफ टिसार्स एन्ड रि-अर्गेनाइजेसन अफ इडुकेसनेल इनस्टिटिउसन) एक्ट 2017 नि आवथायाव आसाम आरो बि टि आरनि सिङाव थानाय गोबांथार बर' बिजोंनि फरायसालि आरो फरायसालिमाफोरा थालांनो गोनां जानाय बाथ्राखौ लाना गोख्रों खुद्रिखांनाय फोरमायदों दुलाराइ बर' फरायसा आफादआ। सोलोंथाय बिफाननि वेबसाइटआव सरकारि खालामजानाय फरायसालि आरो फोरोंगिरिफोरनि मासि अरायथा खालामनायनि सायाव फोसावजानाय फोसावथायनि सायाव खुद्रिखांनाय फोरमायना बि टि आर गोरोबथानि 6.3 दफायाव थाखानाय रादाय बायदियै मोनबो रोखोमनि सर्थगैयाजासे बि टि आरनि गंफ्रोमबो फरायसालि आरो फरायसालिमाफोरजों लोगोसे बि टि आरनि बायजोयाव थाबोनाय बर' बिजोंनि फरायसालि, फरायसालिमा आरो फोरोंगिरिफोरनि मासिखौ अरायथा खालामनो दाबि दैखाङो आफादगिरि दिपेन बर'आ।

Enter your text here...

Share with your friends!

Related Posts

आसामनि मादावनो मुंदांखा जानो हानाय बगामाति लावखार ओंखाम जाग्रा थावनिखौ दिनै सोरखारि भाबै बेखेवनानै होबाय। 

आसामनि मादावनो मुंदांखा जानो हानाय बगामाति लावखार ओंखाम जाग्रा थावनिखौ दिनै सोरखारि भाबै बेखेवनानै होबाय। 

Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।

Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Published by

Bodosa


Bodosa is a Daily Newspaper, printed in Bodo language.

Leave Your Comment Here