गोदान दिल्ली, 23 सेप्तेम्बर : फावखुंगुर सुशान्त सिं राजपुत थैनायनि उनाव सावथुन इन्डास्ट्रीआव आरोबाव खनसे नेपटिज्मनि बाथ्राया सिखांफिन्दों। माखासे स्टारफोरा बेनि सायाव उदाङै गाव गावनि बाथ्राखौ बुंदों। आथिखालाव फावखुंगुर सनु सुदआ नेपटिज्मखौ लानानै गावनि फिनजाथायखौ होदों।
बियो बुंदोंदि, केरियारनि जागायनाय सानफोराव गावबो बाहागो रान्नायजों मोगा-मोगि जानांदों। गावखौ सावथुनफोरनि पस्टारफोरनिफ्राय बोखारना होनाय जादोंमोन। सनु सुदआ मोनसे खौरां बिजोंजों जानाय इन्टारभिउआव बुंदोंदि, आं सावथुन नख'रनि नङा । जेब्ला आं इन्डास्ट्रीआव आगान होदों अब्ला बिब्दि माखासे सावथुनफोरा दङमोन, जायनि पस्टारफोराव आं थांनांगौमोन, नाथाय आंखौ बोखारनानै होदों।
बिब्दियाव गावनिआव मोन्नैल' लामा दङमोन मोनसेआ जादों गाव पस्टारआव थायैनि आरो गावनि रलखौ खम खालामनायनि सोमोन्दै अजद होनाय आरो गुबुन मोनसेआ जादों गोबां नाजानानै स्टार जानाय। फावखुंगुरआ बुंबावदोंदि जायनाव पावार थायो, बियो अरायसम बेखौ बाहायगोन। गोहो गोनां सुबुंआ अरायसम गाहाय थाखोनि सुबुंखौ नाख्लायनो नाजागोन। बिब्दियाव बेनिफ्राय बायजोआव फैनो थाखाय गोहोनि गोनांथि दङ।
