• Home
  • /
  • Breaking News
  • /
  • सनु सुदआ गावनि सावथुन पस्टारनिफ्राय सावगारि बोखारनायनि जाहोनखौ रोखायै फोरमायदों

September 23, 2020

सनु सुदआ गावनि सावथुन पस्टारनिफ्राय सावगारि बोखारनायनि जाहोनखौ रोखायै फोरमायदों

गोदान दिल्ली, 23 सेप्तेम्बर : फावखुंगुर सुशान्त सिं राजपुत थैनायनि उनाव सावथुन इन्डास्ट्रीआव आरोबाव खनसे नेपटिज्मनि बाथ्राया सिखांफिन्दों। माखासे स्टारफोरा बेनि सायाव उदाङै गाव गावनि बाथ्राखौ बुंदों। आथिखालाव फावखुंगुर सनु सुदआ नेपटिज्मखौ लानानै गावनि फिनजाथायखौ होदों।

बियो बुंदोंदि, केरियारनि जागायनाय सानफोराव गावबो बाहागो रान्नायजों मोगा-मोगि जानांदों। गावखौ सावथुनफोरनि पस्टारफोरनिफ्राय बोखारना होनाय जादोंमोन। सनु सुदआ मोनसे खौरां बिजोंजों जानाय इन्टारभिउआव बुंदोंदि, आं सावथुन नख'रनि नङा । जेब्ला आं इन्डास्ट्रीआव आगान होदों अब्ला बिब्दि माखासे सावथुनफोरा दङमोन, जायनि पस्टारफोराव आं थांनांगौमोन, नाथाय आंखौ बोखारनानै होदों।

Sonu Sood

बिब्दियाव गावनिआव मोन्नैल' लामा दङमोन मोनसेआ जादों गाव पस्टारआव थायैनि आरो गावनि रलखौ खम खालामनायनि सोमोन्दै अजद होनाय आरो गुबुन मोनसेआ जादों गोबां नाजानानै स्टार जानाय। फावखुंगुरआ बुंबावदोंदि जायनाव पावार थायो, बियो अरायसम बेखौ बाहायगोन। गोहो गोनां सुबुंआ अरायसम गाहाय थाखोनि सुबुंखौ नाख्लायनो नाजागोन। बिब्दियाव बेनिफ्राय बायजोआव फैनो थाखाय गोहोनि गोनांथि दङ।

Share with your friends!

Related Posts

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

Published by

Bodosa


Bodosa is a Daily Newspaper, printed in Bodo language.

Leave Your Comment Here