गोदान दिल्ली, 28 सेप्तेम्बरः बलिउडनि मुंदांखा फावखुंगुर देबानन्दनि जोनोम सानआव बिथांजों सोमोन्दो गोनां मोनसे मख'जाथाव सल'आ सावरायजादों । देबानन्दआ सम सम गोदान गोदान महरफोरखौ सावथुन मुलुगआव ब्रेक होनायनि थाखाय मुंदांखामोन। बिथाङा जेब्ला सिम थांनानै थादों अब्लासिम माबेबा नङा माबेबा सावथुनफोराव फाव खालामबाय थादोंमोन । देबानन्दआ गोरलैयैनो माखासे सावथुन स्टारफोरनि केरियारखौ गोजौसिम दैखांहरदों। देबानन्दनि थाखायनो नन्दा, शत्रुघन सिन्हा, जीनत अमान आरो आरडी बर्मनजों लोगोसे माखासे मुंदांखा फावगिरिफोरा जाफुंसारनायनि सिरियाव सौहैदों आरो बिसोरो मोनफ्रोमबो जौसांआव बिखौ मानिबोदोंबो।
माखासे स्टारफोरा ओरैबायदिबो दङमोन, जायफोरखौ देबानन्दआ थोंजों मदत खालामाखै, नाथाय बिनि नागारनाय सावथुनफोरनि जाहोनाव बिसोरो सुपार स्टार जादों। बिसोरनि गेजेराव सानै सुपारस्टार बिसोरनि मुङानो जादों शम्मी कापुर आरो अमिताभ बच्चन। बयनिख्रुइबो मखजाथाव बाथ्राया बेनोदि, देबानन्दखौ नोजोर लाखिनानै बिसोर सानैआ सावथुनफोरखौ लिरदोंमोन । अमिताभ बच्चनआ सावथुननि गेजेरजों सावथुन मुलुगआव गावनि सिनायथिखौ मोननो हादों होनोब्ला बे सावथुनआनो जादों जन्जीर। अमिताभ बच्चननि केरियारआव बे सावथुनआ बयनिख्रुइबो साबसिन गाहाय बिफाव लादों । जन्जीर 'नि सिगां 4 बोसोरफोराव अमिताभआ गोबां सावथुनफोराव फाव खालामदोंमोन, नाथाय मोनफ्रोमबो सावथुनआनो बिब्दि गैयामोन, जायजों सुबुंफोरा बिखौ सिनायदों। जन्जीर सावथुनआ अमिताभखौ बलिउडनि एनग्रि यंग मेन बानायदों। बे सावथुनआ अमिताभनि जिउनि बयनिख्रुइबो देरसिन दिंग्राय बिन्दो। मखनो गोनांदि, प्रकास मेहेराया बे सावथुनआव हीर' बिजयनि फावआव देबानन्दखौनो गोसोजों सायख'खानानै लिरदोंमोन। बियो बयनिख्रुइबो सिगां बे सावथुननि आइडियाखौ लानानै देब साहेबनावनो थांदोंमोन। बियो बे स्क्रिप्टखौ गोबां मोजांबो मोन्दोंमोन । नाथाय बियो माखासे फावगिरिफोरनि सोमोन्दै सोंदों आरो देंखोखौ मा-मा थासारियाव बानायनाय जागोन आरो रमान्टिक देंखोफोरा मोनबेसे आरो बेयो कम्पज जाखांबाय नामा होन्नानैबो सोदोंमोन।
