• Home
  • /
  • Breaking News
  • /
  • मोनथाम खोलोबआव 28 अक्टबर, 3 आरो 7 अक्टबराव बिहार विधान सभा बिसायख’थि

September 26, 2020

मोनथाम खोलोबआव 28 अक्टबर, 3 आरो 7 अक्टबराव बिहार विधान सभा बिसायख’थि

गोदान दिल्ली, 26 सेप्तेम्बर: भारतनि बिसायख'थि आयगआ करना भाइरासनि साग्लोबनाय थासारिया जोबस्लाबै समनि गेजेरावनो शुक्रबारखालि बिहार बिधान सभा बिसायख'थि खुंनायनि अक्टखौ फोसावबाय। हादतनि बिसायख'थि आयगगिरि सुनिल आर'राया शुक्रबारखालि फोसावथि होनाय बायदियै बिहारनि बिधानसभा बिसायख'थिया गासै मोनथाम खोलोबाव खुंजागोन। गिबि खोलोब बिसायख'थिया 28 अक्टबरखालि खुंजागोन। गिबि खोलोबाव राइज्योनि मोन 16 जिल्लाफोरनि 71 बियाबफोराव खुंजागोन। 3 नभेम्बराव 2 थि खोलोब बिसायखथिखौ खुंनाय जागोन। 2 खोलोबाव गासै 17 जिल्लाफोरनि 94 बिधानसभा बियाबाव भट सोनाया जागोन। बेबायदिनो जोबथा खोलोब एबा 3 थि खोलोबनि भट सोनायखौ 7 नभेम्बराव खुंनाय जागोन। बिसायख'थिनि फिथाइखौ दिनबाव खालामाजासे 10 नभेम्बरावनो फोसावनाय जागोन। बिहार विधान सभा बिसायख'थिनि गिबि खोलोबाव खमैबो 31,000 भट मिरुफोराव भट सोगोन, नैथि खोलोबाव 42,000 मिरुफोराव भट आजावगोन आरो थामथि खोलोबाव 33,000 मिरुफोराव भट आजावनाय जागोन।

Bihar Election

बिसायख'थि आयगआ बिहार विधान सभा बिसायख'थियाव भट आजावनायनि थाखाय सम सिमाखौ से घन्टा बांहोनाय जादों। मख'जाथाव बाथ्रादि, गिख्रंथाव करना भाइरासनि जाहोनाव बे खेबाव अनलाइननि गेजेरजोंबो बिजाथिफोरा नमिनेसन बिलाइ गथायनो हागोन। नाथाय बिजाथिफोरा अनलाइननि गेजेरजों नमिनेसन गथायनायनि प्रिन आउटखौ जमा होनांगोन। बिसायख'थि आयगगिरि सुनिल आर'राया फोसावथि होबावनाय बायदिब्ला करना थासारिनि गेजेरावबो गासै रोखोमनि रैखाथि आरो सांग्रांथि राहाफोरखौ जगायथिनायनि आरो मानिनानै सोलिनायनि गेजेरजों बिहारनि बिधान सभा बिसायख'थिया खुंजागोन। भट आजावनाया फुंबिलि 7:00 रिंगानिफ्राय जागायनानै बेलासिनि 6:00 रिंगासिम सोलिगोन। करनानि जाहोनाव भट होगिरिफोरा समाजयारि जान्थायखौ मानिनानै सोलिनांगोन। मोनसे भट सोग्रा मिरुवाव 1,000 भटारफोराल' भट होनो हागोन। बिथाङा फोरमायबावनाय बायदिब्ला बिहार बिधान सभा बिसायख'थिनि थाखाय 46 लाख मास्क आरो पि पि इ किट बाहायनाय जागोन। 7 लाख सेनिटाइजार, 23 लाख हेनग्लबस आरो 6 लाख फेस सिल्ड बाहायनाय जागोन।

Share with your friends!

Related Posts

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

गसाइगावनि स्रीरामपुरआव बिलाटि जौजों आबुं गंसे ट्राक हमदों।

गसाइगावनि स्रीरामपुरआव बिलाटि जौजों आबुं गंसे ट्राक हमदों।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here