• Home
  • /
  • Breaking News
  • /
  • मदि सरकारनि मोन 3 आइननि गेजेरजों आबादारिफोरनि उदां जागोना नंखायः गौरब गगै

September 15, 2020

मदि सरकारनि मोन 3 आइननि गेजेरजों आबादारिफोरनि उदां जागोना नंखायः गौरब गगै

गोदान दिल्ली, 15 सेप्तेम्बरः आसामनि कंग्रेस दैदेनगिरि आरो लकसभानि एमपि गौरब गगैआ आबादारिफोरनि सोलायनाय लाबोनाय आयदानि सोमोन्दोयाव मदि सरकारनि आजावना लानाय मोन 3 बिल एबा आइनखौ हेंथा होदों। गौरब गगैआ कंग्रेस हान्जानि जानानै दिनैनिफ्राय जागायजेन्नाय पार्लियामेन्टनि लकसभाआव बे आयदाखौ दिखांनानै सरकारनि सायाव बिबुंथिजों गाग्लोबना बुङोदि, सोंथि खालामनायाव बिफाननि मन्थ्रिआ बुंदोंदि, मोनथाम बिलनिफ्राय आबादारिफोरखौ उदां मोनगोन होन्नानै बुंनाय बाथ्राया थारैनो नंखाय। सैथोया बेसोदि, बे मोन 3 बिलनिफ्राय कर्परेटनि आवथायावसो आबादारिफोरखौ उदां खालामगोन। गौरब गगैआ बुङोदि, बे बिलआ आबादारिफोरनि मोन्थायनि फारसे ख'हा लाबोगोन।

gogoi

बेनिखायनो कंग्रेस हान्जाया लकसभानि सदनाव बे बिलखौ हेंथा होनाय जादों। सम्बरखालिनि सावरायनाय सदननि गेजेराव मदि सरकारा बुंथिगिरिनि गेजेरजों मोन 3 आइनखौ आजावना लादों। जेराव बे सोलिफु पार्लियामेन्टनि गोलोमबोथोर जथम्मानि गेजेरावनो बिलखौ सरकारा मावफुंनायनि थांखि लादों । सरकारा आजावना लानाय बिलआव गोनांथि जानाय बेसादफोरा आइननि सिङाव, बेनि उनाव नैथि आइनआ दा फार्मार्स प्रडिउस ट्रेड एन्ड कमार्स होन्नानै मिथिनाय जादों।

बेनि गेजेरजों साफ्रोमबो आबादारिफोरा आबाद दिहुन्नायनि सोमोन्दोयाव बायनाय आरो फान्नायनि गनायथि होनाय। 3 थि बिलआ जादों एम्पावरमेन्ट एन्ड प्रटेक्सन थामहिनबा बेनि गेजेरजों आबाद दिहुन्थायखौ बांसिन गोसो होनाय आरो रैखाथि होनाय। कंग्रेसआ बुंदोंदि, बे मोन 3 बिलनिफ्राय आबादारिफोरा जेबो मुलाम्फा जानाय नङा। अदेबानि बे आइननि गेजेरजों गुबुन इन्डास्ट्रिफोरासो मुलाम्फा जागोन।

Share with your friends!

Related Posts

आसामनि मादावनो मुंदांखा जानो हानाय बगामाति लावखार ओंखाम जाग्रा थावनिखौ दिनै सोरखारि भाबै बेखेवनानै होबाय। 

आसामनि मादावनो मुंदांखा जानो हानाय बगामाति लावखार ओंखाम जाग्रा थावनिखौ दिनै सोरखारि भाबै बेखेवनानै होबाय। 

Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।

Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Published by

Bodosa


Bodosa is a Daily Newspaper, printed in Bodo language.

Leave Your Comment Here