• Home
  • /
  • Breaking News
  • /
  • भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

February 2, 2021

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

गोदान दिल्ली, 2 फेब्रुवारीः भारतनि आइजो हकी हान्जाया आर्जेन्टिना दावबायनानै गेलेनाय हकी सिरिजनि मैया गेलेनाय मोनसे मेचखौ आर्जेन्टिनानि हेथायै ड्र गेलेदों। मख'नो गोनांदि, बेनि सिगां आर्जेन्टिना हान्जाया भारतखौ फारियै मोन्नै मेचयाव फेजेन्नो हानायनि उनाव मैया गेलेनाय थामथि मेचखौ ड्र गेलेयो। बे मेचखौ भारतया जोबथा समसिम 1-1 गलजों ड्र लाखिनो हादों। गेलेनायाव भारतनि जानानै केप्टेन रेनी राम्फल आरो आर्जेन्टिनानि जानानै एमेलियाआ गलखौ होनो हादोंमोन ।


 मख'नो गोनांदि, थांनाय 26 जानुवारीखालि गेलेनाय गिबि मेचयाव आर्जेन्टिनाया 2-0 गलाव भारतखौ फेजेन्नो हादोंमोन आरो बेनि उनाव 29 जानुवारीखालि गेलेनाय मेचयाव भारतखौ 3-2 गलाव फेजेन्नो हादोंमोन । मेचनि गिबि गेलेनाय समाव आर्जेन्टिनानि गेलेगिरिया साबसिन गेलेनायखौ दिन्थिनो हादोंमोनब्लाबो नाथाय भारतनि गेलेनायाव गल होनो हानायाव फेलें जायो। भारतनि गलकिफार सबिताआ बे गेलेनाय मेचयाव गोबां गल होनायखौ फेलें खालामनो हानायाव जाफुसारदों। आर्जेन्टिना हान्जाया भारतनि हेथायै 3-1 मेचजों आवगायनानै दङ आरो बे सिरिजखौ देरहानो हायो।

Indian Women Hoki Team


 मख'नो गोनांदि, कभिड-19 नि जाहोनाव थांनाय गोलाव दाननिफ्रायनो भारतनि हकी हान्जाया गेलेग्रा फोथाराव ओंखाराखैमोन। जाहोनाव फैगौ अलम्पिक गेम्सखौ नोजोर होनानै भारतनि हौवा आरो आइजो हकी हान्जाया गुबुन हादत दावबायनानै बे समाव हकी सिरिज गेलेनायखौ सोलिहोबाय थादों। भारतनि आइजो आरो हौवा हकी हान्जाया फैगौ माखासे दानफोरनि गेजेराव टकिय सहराव खुंजानो गोनां अलम्पिक गेम्सनि थाखाय दासिम क्वालिफाइ जानो हाखाबाय। बेनि सिगां भारतनि हकी हान्जाया आर्जेन्टिनानि बि हान्जानि हेंथायैबो जेन्नो गोनां जादोंमोन। भारतनि हौवा हकी हान्जायाबो दासान्दि गुबुन हादतनि हकी हान्जानि हेंथायै मेच गेलेबाय थादों।

Share with your friends!

Related Posts

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

Published by

Bodosa


Bodosa is a Daily Newspaper, printed in Bodo language.

Leave Your Comment Here