बाकसा, 4 नबेम्बर : बाकसा जिल्लानि सदर मुसलपुराव अर खामनानै सेव हांगार जायो गंसे गला। मुसलपुरनि सुमित्रा स्टोर मुंनि गंसे फसंथानाव बे अरा नांदों। बे अर नांनायनि जाहोनाव 5 लाखसो रां खहा जानो हागौ । सर्ट सार्कितनि जाहोनाव बे जाथाया जानायनि सन्देह।
खौरां मोननाय बादिब्ला फुंनि समाव बेरायनो ओंखारनाय सुबुंफोरा बे फालांगियारी फसंथाननि सिङाव अर नांनायखौ नुनानै गलानि बिगुमा आरो अर खोमोग्रा हानजानो खौरां हरो। लोगो लोगो अर खोमोरग्रा हानजाया फैनानै अरखौ खोमोरनो हायोब्लाबो बेनि आगोलनो गला सिङाव थानाय मुवाफोरा खामनानै सेव हांगार जाबायमोन। गलानि बिगुमाया फोरमायनाय बादिब्ला बे अर नांनायनि जाहोनाव बाङायैबो थामनिफ्राय ब्रै लाख रांनि मुवा अराव खामनानै सेवहांगार जादों।
