• Home
  • /
  • Breaking News
  • /
  • बर’फोरनि थाखाय दिनै जारिमिनारि गोथार सान, बर’ बिजोंनि बिथोनगिरिख’खौ दिनै बेखेवगोन

September 5, 2020

बर’फोरनि थाखाय दिनै जारिमिनारि गोथार सान, बर’ बिजोंनि बिथोनगिरिख’खौ दिनै बेखेवगोन

कक्राझार, 5 सेप्तेम्बरः गोलाव बोसोरनिफ्राय दाबिबोनाय बर'फोरनि मोनसे मिजिं आरो हास्थायनाया जोबथा बुब्लियाव जाफुंबाय। थांनाय 27 जानुवारी, 2020 खालि जालांनाय बि टि आर गोरोबथानि गेजेरजों बर' बिजोंनि थाखाय आलादा बिथोनगिरिख'खौ दिनै 5 सेप्तेम्बर फोरोंगिरि सानजों लोब्बा लाखिनानै बेखेवना होसिगोन आसाम सरकारआ। बे हिसाबै दिनै 5 सेप्तेम्बर सानआ बर'फोरनि थाखाय मोनसे जारिमिनारि सान जानानै थासिगोन। बे बेखेव हाबाफारियाव आसामनि गिबि मन्थ्रि सर्बानन्द सनवालआ गाहाय आलासि महरै बाहागो लानानै बर' बिजोंनि बिथोनगिरिखौ बेखेवनानै होगोन।

लोगोसे आसामनि सोलोथाय मन्थ्रि ड0 हिमन्त बिश्व शर्माआ बे हाबाफारियाव माननि आलासि महरै थागोन। हांख्रायजानाय आलासि महरै बर' आफादफोरनिफ्राय दुलाराय बर' फरायसा आफादनि आफादगिरि दिपेन बर' आरो बर' थुनलाइ आफादनि आफादगिरि तरेन बर' मोनहा बाहागो लाहैगोन। बर' बिजोंजों लोगोसे दिनैनि गोथार सानआव गुबुन जनजाति बिजोंनि बिथोनगिरिख'खौबो बेखेवनाय जागोन। मिजिंथिथावदि, बर' बिजोंनि आलादा बिथोनगिरिखौ मोनफुंनो हानायनि गेजेरजों बर' हारिनि बिजों, राव आरो थुनलाइआ जौगानायजों लोगोसे बर' हारिनि गोग्लैसोनाय सोलोंथाय थासारिया मोनसे गोदान महर मोन्नो हागोन।

Share with your friends!

Related Posts

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

Published by

Bodosa


Bodosa is a Daily Newspaper, printed in Bodo language.

Leave Your Comment Here