गोदान दिल्ली, 8 सेप्तेम्बर: भारतनि चन्द्रयान-3 खौ फैगौ बोसोरनि हाबजेन्नायावनो दैथायहरनो हागौ। बेयो चन्द्रयान-2 नि रिपिट मिसन बायदि जागोन, बेयावबो सिगांनि बायदिनो लेन्डार आरो रबर थागोन। चन्द्रयान-3 आव अर्बिटर थानाय नङा होन्ना अख्रांमा बिफाननि राइज्यो मन्थ्रि बिबानखौ सामलायनाय जितेन्द्र सिंआ बुंदों।
मख'जाथावदि, चन्द्रयान -2 खौ 2019 नि 22 जुलाइआव लन्स खालामनाय जादोंमोन । बेनि लेन्डर रबरखौ 2019 नि 7 सेप्तेम्बरआव अखाफोरनि खोला ध्रुबआव ओंखारख्लाय होनांगौमोन, नाथाय जोबथा समाव केस लेन्डिं एबा बाग्लायनायाव बेरफ्रुदोंमोन। नाथाय बेनि अर्बिटरआ मोजाडैनो खामानि मावगासिनो आरो गोनां गोनां डाटाफोर दैथाय हरगासिनो। चन्द्रयान-2 आ केस लेन्डिं जानायनि उनाव इसर'आ सोलिफु बोसोरनि जोबथारनायाव चन्द्रयान-3 खौ दैथायहरनो बिथांखि बानायदोंमोन, नाथाय करना भाइरास इनफेक्सननि जाहोनाव गोबाव जाबाय। जायनि थाखाय गोदान बोसोरनि हाबजेन्नायावनो दैथाय हरनो थांखि लाफिन्नाय जादों।
