• Home
  • /
  • Breaking News
  • /
  • नेसनेल रैखाथि बिथिङाव गावनि आथिङाव गसंनो थाखाय राजनाथआ स्टार्टअप चेलेन्जखौ जागायबाय

September 30, 2020

नेसनेल रैखाथि बिथिङाव गावनि आथिङाव गसंनो थाखाय राजनाथआ स्टार्टअप चेलेन्जखौ जागायबाय

गोदान दिल्ली, 30 सेप्तेम्बर : मिरुआरि रैखाथि मन्थ्रि राजनाथ सिंआ आथिङाव गसंनाय आत्मनिर्भर भारत अभियाननि गेजेरजों रैखाथि बिथिङाव गावनि आथिङाव गसंनो हानाय खालामनो थाखाय मोनसे स्टार्टआप सेलेन्जखौ जागायो। डिफेन्स इन्डिया स्टार्टअप सेलेन्जनि गेजेरजों रैखाथि बिथिंनि गोख्रोङै संदान्नो थाखाय थासारिया थियारि जागोन। बेनि थाखाय थांनाय मंगलबारखालि रैखाथि मन्थ्रि आइडेक्स 4 फौजि आरो प्रडाक्ट मेनेजमेन्ट एप्रच (पिएमए)नि बिथोनबो फोसावबाय। बिजों रैखाथि हाबाफारिनि गुनआ आबुङै बारायनायनि मिजिं दङ।

Startup- Rajnath
 मख'नो गोनांदि, रैखाथि बिथिङाव गिबि खेब बेबायदि गुन गोनां सान्नाय इनाय जादों। बेनि गेजेरजों रैखाथि बिफानआ बिबुंथि फोसावनानै बुडोदि, भारतआरि सान्थ्रिनि गुन गोनां सान्नाय-हनायनि जाहोनाव सान्थ्रिआरि हान्जाआ गोबां गोख्रों मोनबाय। बे बिथिङाव गावयारि बिफाननि गान्नाय बिफाव थागोन। बेनि थाखाय गावयारि बिथिंनिफ्राय हेफाजाब होनाय, टेकनिकखौ लांलाय लाबोलाय खालामनाय आरो 74 जौखोन्दो एफडिआर बायदि गिदिर थांखि लानाय जादों। बेजों लोगोसेनो मोन 101 था बेसादफोरखौ गुबुन हादतनिफ्राय लाबोनायनि सायाव होबथानाय जादों, जाहाथे बिसोर भारतआव बेफोर मुवा-बेसादफोरखौ बानायनो हायो।
Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

Published by

Bodosa


Bodosa is a Daily Newspaper, printed in Bodo language.

Leave Your Comment Here