• Home
  • /
  • Breaking News
  • /
  • नभाक जकभिचखौ फेजेन्नानै राफेल नाडालआ 20 थि ग्रेन्डस्लेम देरहाबाय

October 13, 2020

नभाक जकभिचखौ फेजेन्नानै राफेल नाडालआ 20 थि ग्रेन्डस्लेम देरहाबाय

पेरिस, 13 अक्टबर: थांनाय मोननै सप्ताहनिफ्राय कभिड-19 नि गिथावनायै गोसारनाय थासारिनि गेजेरावबो फारियै सोलिबोनाय फ्रेन्स अपेन ग्रेन्डस्लेमनि मेच गेलेनाया मैया गाहामै जोबनानै थांबाय। जागायजेन्नायनिफ्राय गेलेबोनाय मेचखौ फारियै देरहाबोनो हानाय सानै गेलेगिरिनि गेजेराव मैया फ्रेन्स अपेननि सिंगेल्स फाइनाल मेचखौ गेलेयो। मुलुगनां रेंकिंनि सेथि गेलेगिरि नभाक जकभिच आरो नैथि गेलेगिरि राफेल नाडालनि गेजेराव फाइनाल मेचखौ गेलेदोंमोन। नाथाय स्पेइननि राफेल नाडालआ गावनि थांखि बादियै बे गेलेनाय मेच एबा फाइनाल मेचखौ देरहानो हायो। फाइनालाव सार्बियानि गेलेगिरि जकभिचखौ गासै 6-0, 6-2, 7-5 सेट पइन्टआव फेजेन्नो हानानै फ्रेन्स अपेनखौ 13 थि खेब देरहानो हानायाव जाफुंसारो।

Rafeal Nadal win the Final match

                 अदेबानि गावनि गेलेनाय केरियारआव राफेल नाडालआ मोन 20 थि ग्रेन्डस्लेमखौ देरहानो हायो। गेलेनायनि सिगां सेटखौ राफेल नाडालआ गोर्लेयैनो लानो हानानै उननि मोननै सेटखौबो फारियै देरहानो हानायजों बे खेबनि फ्रेन्स अपेननि ट्रफीखौ दखलाव लानो हाबावो। फार्सेथिं जकभिचआ फारियै मोननै सेटखौ जेन्नो गोनां जानायनि उनाव उननि जोबथा सेटखौ देरहानो थाखाय गोबां नाजाथाबदोंमोनब्लाबो नाथाय फेलें जायो। जायनि थाखाय राफेल नाडालआ गुबुन मोनसेबाव बे बोसोरनि ग्रेन्डस्लेमखौ देरहानो हानायाव जाफुसारदों। बेजों लोगोसे राफेल नाडालआ टेनिस गेलेनाय जारिमिननि ग्रेन्डस्लेम देरहानायखौ टेनिसनि गेदेमा गेलेगिरि रजार फेडेरारजों समान समान खालामनो हायो। देरहानानै राफेल नाडालआ बुङोदि, रजार फेडेरारजों देरहानाय ग्रेन्डस्लेम रेकर्डखौ समान खालामनो हानाया आंनि थाखाय जोबोद गोग्गाथाव आरो फैगौ समाव बेबादिनो गोख्रों गेलेनानै देरहागोनखौ मिजिंथि लाखियो। 

Double final match win

         गुबुन फार्सेथिं फ्रेन्स अपेननि डाबल्स गेलेनाय आइजोफोरनि फाइनाल मेचखौ सानै गेलेगिरि टिमिया बेबस आरो क्रिस्टिनाया देरहानो हानायाव जाफुसारदों। टिमिया आरो क्रिस्टिनाया डाबल्स फाइनाल मेचखौ सिली आरो आमेरिकानि डाबल्स गेलेगिरि एलेक्सा आरो डाइसिरियाखौ गासै 6-4, 7-5 सेट पइन्टआव गोर्लेयैनो फेजेन्नो हादों। मख'नो गोनांदि, बे बोसोरनि फ्रेन्स अपेनखौ देरहानो हानाय सिंगेल्स आरो डाबल्स गेलेगिरिफोरा सिगांनिख्रुइ बांसिन रां बान्थाखौ आजावनो हादों।

Share with your friends!

Related Posts

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

गसाइगावनि स्रीरामपुरआव बिलाटि जौजों आबुं गंसे ट्राक हमदों।

गसाइगावनि स्रीरामपुरआव बिलाटि जौजों आबुं गंसे ट्राक हमदों।

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here