कक्राजार, 4 सेप्तेम्बर: फैगौ माखासे सप्ताहनि उनावनो फालिजानो गोनां श्री श्री दुर्गा बिमा फुजाखौ लानानै मैया कक्राझार जिल्ला बेंगिरिआ गावनि मावख'आवनो मोनसे गोनांथार मेलखौ लिंथुमो। जिल्लानि सिडाव थानाय गुबुन गुबुन ओन्सोलनि फुजा खुंफुं आफादनि बिबानगिरिफोरा जिल्ला बेंगिरिनि हांख्राय खायनाय बे मेलआव बाहागो लायो। मेलखौ मासि लानानै दैदेनो जिल्ला बेंगिरि भास्कर फुकनआ।
फैगौ दुर्गा फुजाखौ फालिनाय आरो खुंफुंनायाव जाहाथे समाजयारि जान्थायखौ मानिनानै सोलिनो हायो बेनि सायाव गुवारै सावरायलायनाय जायो। जिल्ला बेंगिरिआ मख'नाय बादिब्ला, सोलिफु करना भाइरासखौ नोजोर होनानै फैगौ दुर्गा फुजाखौ फालिनाय जागोन। फुजाखौ थि खालामजानाय माखासे मावथि हान्जाफोरनि बाहागो लानायाव खुंफुंजानायखौ जिल्ला खुंथायनिफ्राय हास्थायदों होन्नानै जिल्ला बेंगिरिनि सासे गागि बिबानगिरिआ फोरमायदों।
