उदालगुरि, 14 सेप्तेम्बरः दुलाराइ बिटिसि ब्राह्मन लाइमोन परिषदनि जरखा मिरु मावफुं आफादनि मेलखौ रबिबारबारखालि टंलायाव खुंफुंनाय जायो। फैगौ बिटिसि बिसायख'थियाव आफादआ आजावना लानाय बिफाव आरो आफादनि गुबुन गुबुन आयदानि सायाव गोनांथारै सावरायलायनाय मिरु माव' मेलाव दुलाराइ बिटिसि ब्राह्मन लाइमोन परिषदनि रांखान्थि, समाजिक, राजखान्थि, हारिमु आयदाफोरनि सायाव सावरायो। परिषदनि आफादगिरि रन्जन गस्वमिनि मासि सामलायनायाव टंलानि हटेल पेरादाइसआव खुंनाय मेलाव सावरायलायनानै माखासे गोनांथार बिथांखिखौ आजावना लादों ।
बिटिसियाव थाबोनाय ब्राह्मनफोरनि रांखान्थि, सामाजिक बिथिङाव मोनफ्रोमखौबो नोजोर होनानै हा गैजायै नख'रफोरखौ फसंथानायनि राहाजों हा पाट्टा होनायनि राहा लानाय, खामानि गैजायै लाइमोनफोरनो एबा फरायसाफोरनो रांखान्थि मदत होनाय, ब्राह्मनफोरनिफ्राय सासे जानोहाथाव सुबुंखौ बिटिसि परिषदआव सोद्रोमा महरै थिसन्नाय आरो बेयाव थानाय ब्राह्मनफोरनि थाखाय मोनसे जौगाखां गौथुम दाफुंनायफोरजों माखासे गोनांथार थांखि आजावना लानानै मिरु मावफुं मेलाव आफादआ गुबुन बिथिङावबो सावरायदों ।
