चिरांनि गुरुभाषाआव सासे आइजो गोमादों

बासुगाव, 9नभेम्बर: चिरां जिल्लानि सिदली पुलिस थानानि सिङाव थानाय गुरुभाषा नयाबस्टिनि सासे आइजोआ गोमानानै थानाय जाथायनि खौराङा सोराङाव फैदों। जाथायनि बागै मिथिनो मोन्नाय बायदिब्ला नयाबस्टिनि थागिबि रन्जित बसुमतारिनि बिसि एबा सासे 12 बोसोर बैसोनि फिसाज्लानि बिमा निजिरा बसुमतारि (32) आ थांनाय अक्ट’बर दानावनो न’निफ्राय फुंनि समावनो कक्राझार जिल्लानि कारिगाव सबथा बाजाराव थांदोंमोन आरो बे साननिफ्रायनो निजिरा बसुमतारिआ न’ फारसे सफैफिनाखै। अदेबानि नख’रनि सुबुङा दासान्दि गोमानाय आइजोखौ गोमानायनि सन्देह’जों बाय-बाहागि आरो आलासिनि नखरफोराव खौरां लादोंब्लाबो आइजोनि खौरांखौ दासिमबो मोन्नो हायाखै। नख’रनि सुबुंफोरा आइजोआ लानाय मबाइल नम्बराव फोनांजाब खालामदोंब्लाबो नाथाय बन्द’ जानानै थानायनि जाहोनाव नख’रनि सुबुंफोरा दासान्दि जिंगासिनाय फोरमायदों। सिगां सानखालि नख’रनि सुबुंफोरा आइजोखौ खौरां लानाय जादोंमोन आरो बे आइजोनि फारसे जेबो खौरां मोनैयाव जोबथारनायाव थांनाय 4 नभेम्बरखालि गुरुभाषा पुलिस बादायाव गोमानायनि बागै मोनसे गसर थिसनो। 5 फुट गोजौ, गोलाव खानाय आरो दखना गान्नानै न ‘निफ्राय ओंखारलांनायनि उनावनो आइजो निजिरा बसुमतारिनि फारसे दासिम जेबो खौरां मोनैलाय सोरबाफोर सुबुङा आइजोखौ नुसनबायोब्ला  60017-23023 नम्बराव खोन्थाहरनो थाखाय दुखुथिया नख’रा गुरैयै खावलायदों।