गिलयआ गगा-गुजुनाय, मोदोम दुंखावनायाव गुण गोनां

गोदान दिल्ली, 24 सेप्तेम्बर: मिथिंगानिफ्राय जों गोबां रोखोमनि मुलिफोरखौ मोन्नाय जायो। जाय जोंनि देहाखौ बेराम गैयै गोग्गोयै लाखिनायाव बाहायनाय जायो। बेफोरखौ जानानै एबा मुलि महरै बाहायनानै गोबां रोखोमनि देहा सोलेरनि जेंनाफोरनिफ्राय रैखाथि मोन्नो हायो। बेफोरनि गेजेरआव गिलयआ मख'जाथाव। बेयो जोंनि बेराम होबथाग्रा गोहोखौ थामहिनबा इम्युनिटीखौ बांहोनायजों लोगोसे देहा-सोलेरनि प्लेटमेटसनि बाङाइ जानायखौ जानगार होयो।

फार्सेथिं मोदोम दुंखावनाय, गगा मोन्नाय, गुजुनायफोरनि थाखायबो बेयो गुण गोनां मुलि। मिथिंगाया सुबुंनो अराय सम बेराम गैयै जिउ खुंनो बेसेन नाङै राहाखौ जगायना होदों। बेनिखायनो जों जोंनि सोरगिदिं थानाय बिफां-लाइफांफोरखौ सिनायथिनानै बाहायोब्ला गोबां माखासे फिसा-फिसौ देहानि जेंनाफोरखौ जानगार खालामनो हायो। गिलयनि बिलाइयाव केलसियाम, प्रटीन, फसफरासनि बिबांखौ गोबां बिबांनि मोन्नाय जायो। बेनि अनगायै देन्थाफोराव स्टार्चआबो थोजासे बिबांनि थायो। बेयो मोनसे मोजां पावार ड्रिंक। गिलयआ इम्युनिटि सिस्टेमखौ बुस्ट खालामनायजों लोगोसे माखासे गिखंथाव बेरामिफोरनिफ्रायबो रैखाथि होयो।