खौरां बिजों रिपाब्लिक टिभिनि गाहाय सुजुगिरि अर्नब गस्वामिखौ थाबैनो हगारनो जे ए एनि दाबि

गुवाहाटी, 5 नभेम्बरः हादतनि गेजेरावनो गुबुन सासे गोख्रों खौरांगिरि महरै मिथिसार जानाय खौरां बिजों रिपाब्लिक टि भिनि गाहाय सुजुगिरि अर्नब गस्वमिखौ हमनाय आरो बिनि नख'रखौ देहायारि साजा होनाय जाथायखौ गोख्रों रावजों सोंखारिदों जार्नालिस्ट एससिएसन अफ आसाम सुंद’यै जे ए ए आरो नेसनेल इउनियान अफ जार्नालिस्ट (इन्डिया) सुंद’यै एन इउ जे(आइ)आ। कंग्रेस आरो शिबसेना दैदेन्नाय महाराष्ट्र सरकारा गाग्लोबनाय महराव सासे गागि खौरांगिरिखौ हमनाय जाथायखौ सुबुं खुंथायनि 4 थि खुन्थियानि गाहाय बोसोनगिरि एबा ए न इउ जे आइनि माहारियारि लेङाइ आफादगिरि भुपेन गस्वामि, गाहाय नेहाथारि दालिम फुकनआ बुङोदि, शिबसेना दैदेन्नाय महाराष्ट खुंथायनि समाव सासे खौरांगिरिखौ बेबायदि इनाय गाग्लोबनायजों हमनाय जाथाया जोबोद लाजिनांथाव।

       फारसेथिं खौरां बिजोंनि गोख्रों गाहाय सुजुगिरि अर्नब गस्वामिखौ हमनाय पुलिसनि हेंथायै गोख्रों राहा लानो दाबि दैखाङो आरो गाहाय सुजुगिरि अर्नब गस्वामिखौ जायखि जाया राहानि गेजेरजों आइननि दखलनिफ्राय हगारनांगौ होन्नानै फोसावो जे ए ए आरो ए न इउ जे आइआ। लोगोसे खौरांगिरिफोरनि सायाव पुलिसनि बेबायदि इनाय जाथाय खालामनायखौ जेब्लाबो सहायनाय नङा होन्नानै महाराष्ट्र सरकार आरो महाराष्ट्र पुलिस खुंथायनिसिम हुमखि होयो। जे ए ए आरो एन इउ जे (आइ)आ बे जाथायनि सायाव गाहाय मन्थ्रि नरेन्द्र मदिखौ गोनांथार राहा लानो दाबि खालामबावदों।