• Home
  • /
  • Breaking News
  • /
  • क्रिस्टियान रनाल्डनि देहायाव कभिड-19 पजिटिभ मोन्दों

October 15, 2020

क्रिस्टियान रनाल्डनि देहायाव कभिड-19 पजिटिभ मोन्दों

लिस्बन, 15 अक्टबर: मुलुगनां फुटबल फोथाराव गुबुन सासे गोख्रोंसिन गेलेगिरि महरै मिबथिसार जानाय क्रिस्टियान रनाल्डनि देहायाव कभिड-19 सन्देरनाय पजिटिभ केसखौ मोन्नो हानाया अन्सायारिफोरनि थाखाय दुखु गोनां जादों। मुलुगनाङैनो कभिडनि साग्लोबसारनाय थासारिआव थांनाय बावैसो साननिफ्राय खुंनाय इउफा नेसन्स लीगनि गेलेनाय मेचआव हान्जानि जानानै बाहागो लानायनि गेजेरावनो हरखाब बिनि देहायाव कभिड-19 सन्देरनाय केसखौ मोन्नो हादों। लोगोसे कभिड-19 केसखौ मोन्नाय लोगो लोगो रनाल्डखौ इउफा सेम्पियन्स लीगनिफ्राय बाइजोआव दोन्नाय जाबाय होन्नानै सुलुङाव फोरमायदों। बेनि सिगां मुलुगनां थाखोनि गोबां फुटबलारफोरनि देहायाव कभिडनि सन्देरनाय केसफोरखौ मोन्नो हाबोदोंमोन। पर्टुगालनि गोख्रों गेलेगिरि रनाल्डनि देहायाव पजिटिभ केसखौ मोन्नाय लोगो लोगो दासान्दि हादरनि फुटबल आफादआ बेनि देहा हालोदनि सायाव खौरां लादों।

Christiano Ronaldo

35 बोसोर बैसोनि गेलेगिरि रनाल्ड'आ गावनि हादरनि फुटबल हान्जा पर्टुगालनि जानानै थांनाय हरनि समाव नेसन्स लीगनि मेचखौ फ्रान्सनि हेंथायै गेलेदोंमोन। नाथाय फैगौ मेचखौ कभिडजों सन्देरजानायनि जाहोनाव हान्जाजों गेलेनो मोन्नाय नंलिया। फैगौ मेचखौ पर्टुगालआ सुइडेननि हेंथायै गेलेनो थियारि जाबावदोंमोन। बाथि खेब फिफानि देरसिन मान बान्थाखौ देरहानो हानाय रनाल्डआ दासान्दि कभिडजों सन्देरजानायनि जाहोनआव फाहामथाय लानो थियारि जादों । लोगोसे पर्टुगाल फुटबल आफादआ मिबथिहोनाय बादिब्ला, रनाल्डनि देहायाव एसेबो कभिडनि सन्देरनाय लैखोनखौ नुनो मोनाखै । दासान्दि क्वारेन्टाइनआव रनाल्डखौ लाखिनाय जादों। रनाल्डनि देहायाव पजिटिभ मोन्नायनि उनावनो हादरनि फुटबल हान्जानि गुबुन सासे गेलेगिरि आरो हेफाजाब होना स्टाफनि देहायावबो कभिड टेस्ट खालामनायाव निगेटिभ ओखारदों। रनाल्डआ जुभेन्टास क्लाबनि जानानै फैगौ समनिफ्राय गेलेनो थाखाय थियारि जादोंमोन आरो दासान्दि हादरनि हान्जायाव कभिडजों सन्देरजानायनि जाहोनआव माखासे मेचखौ गेलेनो मोन्नाय नंलिया।

Share with your friends!

Related Posts

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

Published by

Bodosa


Bodosa is a Daily Newspaper, printed in Bodo language.

Leave Your Comment Here