• Home
  • /
  • Breaking News
  • /
  • कक्राझारनिफ्राय बुरजा बिबांनि हाथियार आरो गुला-बारुद बोखांनो हादों

August 17, 2020

कक्राझारनिफ्राय बुरजा बिबांनि हाथियार आरो गुला-बारुद बोखांनो हादों

कक्राझार, 16 आगस्टः बिटिसि बिसायख'थिनि सिगां-सिगां बिटिसिनि दरब्रै जिल्लायाव गुबुन गुबुन समाव हाथियार बोखांनो हानायखौ नुनो मोनबोबाय थानाय जादों। दिनैबो कक्राझार पुलिसनि गोक्रों सिग्रोमनायनि राहा लानायाव सराइबिलनि सिङाव थानाय कात्लिबिल हाग्रा ओन्सोल आरो सेरफांगुरि थानानि सिङाव थानाय बेलगुरि हाग्रानिफ्राय बुरजा बिबांनि हाथियार आरो गुला-बारुद बोखांनो हायो। दिनै बेलासि समाव कक्राझार पुलिस खुंथाया हांक्रायनाय मोनसे खौरांगिरि मेलनि गेजेरजों फोरमायथिनाय बादिब्ला सराइबिलनि कात्लिबिलनिफ्राय गंसे एमएमजि, गं 5 एके 56 राइफल, गं 4 मेगजिन, गर 244 गोथां गुलि बोखांनायनि बेरेखायै सेरफांगुरिनि बेलगुरिनिफ्राय गंसे इन्सास राइफल, गंसे मेगजिन, गंथाम पिस्टल, गं 5 मेगजिन, चीनआव बानायनाय गंसे सिल्लाइ, थर 36 ग्रेनेड आरो मोनसे एमएमजि सेन बोखांनो हायो। मख'नाय बादिब्ला मोनसे इसिङारि सुलुंनि सायाव बिथा खालामनानै जिल्ला पुलिस बिफानआ गोनां सिग्रोमनायनि राहा लादोंमोन।

Raimona


Share with your friends!

Related Posts

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

Published by

Bodosa


Bodosa is a Daily Newspaper, printed in Bodo language.

Leave Your Comment Here