आसु आरो ए जे वाइ सि पिआ से सप्टाहनि गेजेराव गोदान राजखान्थि हान्जा दासिगोन

गुवाहाटी, 9 सेप्तेम्बरः दुलाराय आसाम फरायसा आफाद एबा आसु आरो आसाम जातियताबादि जुब सात्र परिषदआ फैगौ 1 सप्टाहनि गेजेराव मोनसे गोदान राजखान्थि हान्जा दासिगोन। बे बाथ्राखौ आसुनि आफादगिरि दिपांकर कुमार नाथआ मंगलबारखालि खेंफोरथि होदों। आसुनि आफादगिरि नाथआ लोगोसे मिथिहोबावनाय बादिब्ला गोदान राजखान्थि हान्जा दानायनि सायाव सावरायनाया सोलिगासिनो आरो 7 साननि गेजेरावनो राज्योआव मोनसे गोदान ओनसोलारि राजखान्थि हान्जाया महर मोनसिगोन। मखनाय जायोदि बावैसो सानफोर सिगां आसु आरो ए जे वाइ सि पिआ गोदान राजखान्थि हान्जा दानायनि थाखाय सा 18 सोग्रोमानि मोनसे आसाम एडभाइजारि कमिटि दानानै लानाय जादोंमोन। लोगोसे गोदानै जोनोम मोननो गोनां बे राजखान्थि हान्जाया फैगौ बोसोराव खुंजानो गोनां आसाम आयेन आफादनि बिसायखथियाव 80 निफ्राय 100 सिम मासियाव बिसायखथि गेलेनोबो इसारा होदों।