गुवाहाटी, 9 सेप्तेम्बरः आसामनि राइज्यो बेंगिरि प्रफेसार जगदिश मुखिआ आसामनि साफ्रोमबो राइजो-राजाफोरनिसिम गावनि गाहाम हामलायथिखौ जासिहरदों। मख'जाथावदि, बिथांनि राइज्यो बेंगिरि महरै बिबान रुजुनबाय थानायनि गेजेरावनो हादरनि गेजेरावनो 85.9 जौखोन्दो मेगन गुनु जौखोन्दो लानानै आसामआ 5 थि फारिलाइयाव जायगा आवग्रिनो हादों । मख'नो गोनांदि, थांनाय 2011 माइथायनि सुबुं सानखो बादियै आसामनि मेगन गुनु सुबुंनि जौखोन्दो हारआ 72.2 जौखोन्दोमोन आरो हादरनाडै बेनि फारिलाइया 28 थि फारिलाइयाव दङमोन।
नाथाय गोजोन्थाव बाथ्रादि, गोदानै मोन्नाय सुबुं खर' सान्नाय बादियै गासै 85.9 जौखोन्दोजों 28 मासिनिफ्राय थोंजों 5 थि मासिआव दावखोनो हायो। बे बाथ्राखौ नेसनेल स्टेटिस्टिकेल अफिस एबा हादरनां सानसरथुम मावख'आ फोसावनानै होयो। बे बाथ्राया आसामनि राइजो-राजाफोरनि थाखाय जोबोरैनो गोजोन्थाव बाथ्रा होन्नानै मख'ना राइज्योनि साफ्रोमबोनिसिम गावनि गोसो गोर्बोनि गाहाम हामलायथि जासिहरदों।
