• Home
  • /
  • Breaking News
  • /
  • आइएमएफआ आत्मानिर्भर भारतखौ बाख्नायदों

September 26, 2020

आइएमएफआ आत्मानिर्भर भारतखौ बाख्नायदों

वासिंटन, 26 सेप्तेम्बर : गाहाय मन्थ्रि नरेन्द्र मदिआ करना खैफोदनिफ्राय हादतखौ रैखाथि होनो थाखाय आत्मानिर्भर भारतनि गेजेरजों रांखान्थि पेकेजखौ फोसावदोंमोन। जेराव फिसा-फिसौ आबादारि, लेबार आरो दकानदारनिफ्राय लानानै इन्डास्ट्रीनो सरकारआ रांखान्थि मदत होनो बाथ्रा फोसावदोंमोन। आथिखालाव गाहाय मन्थ्रिनि बेबादि थांखि लानायखौ इन्टारनेसनेल मनिटरि फान्ड एबा आइ एम एफआ गाहाय मन्थ्रि मदिनि आत्मनिर्भर भारतखौ बाख्नायदों। करना खैफोदखौ नोजोर होनानै आत्मानर्भिर भारतनि गेजेरजों होनाय रांखान्थि पेकेजआ भारतीय रांखान्थि राहाखौ हेफाजाब होदों आरो माखासे गिदिर गिदिर खैफोदखौबो खम खालामनाय जादों ।

IMF Logo copy

बेनि थाखायनो गावसोर सान्ना लादोंदि, बेबादि थांखि लानाया गोबां मख'जाथावमोन। आइ एम एफनि डाइरेक्टरआ बुंदों भारतयाव मेक फर दा वर्ल्डखौ मोन्नो थाखाय बै नेमखान्थिनि सायाव सिगांग्रो हाबाफारि मावग्रो नांगोन, जायजों भारतआ ग्लबेल भेलु चेनजों सरजाबनायाव मदत मोन्दों। बेयो फालांगि इनभेस्टमेन्ट आरो टेक्नलजिनि गेजेरजों जानो हागौ। आइ एम एफनि नीति आयग आरो रांखान्थि मावख'जों लोगोसे सावरायनाय मोनसे बाथ्राया रोखा जादोंदि, देहानि बिथिंयाव मोजां थाखोयाव सौहैनो थाखाय भारतआ हेल्थकेयार सेक्टरआव गावनि खरसाखौ लासै लासै बाहायनांगोन। मोनसे दिदोमथि आरो बांसिन सरासनस्रा मिडियाम टार्म ग्रथखौ मोन्नो थाखाय हेल्थ सेक्टरनि अनगायै स्ट्राक्सारेल रिफर्मयावबो नोजोर होनांगोन।

Share with your friends!

Related Posts

गसाइगावनि स्रीरामपुरआव बिलाटि जौजों आबुं गंसे ट्राक हमदों।

गसाइगावनि स्रीरामपुरआव बिलाटि जौजों आबुं गंसे ट्राक हमदों।

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

Published by

Bodosa


Bodosa is a Daily Newspaper, printed in Bodo language.

Leave Your Comment Here