Breaking News
एम एल ए रबिराम नार्जारिआ काति गासानि हामलायनाय हरदों
कक्राझार, 18अक्टबरः 29 नं सोनाब कक्राझार बिधान सभा बियाबनि एम एल ए आरो बि पि एफ दोलोनि गुबुन सासे गोख्रों दैदेनगिरि महरै मिबथिजानाय रबिराम नार्जारिआ शनिबारखालि आसामनि माहारियारि फोर्बो काति गासानि मैयानिफ्राय जागायजेन्नाय साननि गेजेराव बिटिसि हालामनि आबादारि आरो राइजो-राजाफोरनिसिम गोजोन हामब्लायथिनाय जासिहरो। एमएलए नार्जारिआ बड’सा खौरांगिरिनि सिगाङाव फोरमायनाय बादिब्ला, जोंनि आबादारिफोरा गोबां खस्थ’ आरो नाजानायनि गेजेरजों मावनाय आबादनि फिथाइखौ जाहाथे मिजिंथिनाय बादि मोन्नो हायो, बेनि थाखाय आबादखौ रैखा खालामनो बिमा लोक्षिखौ हास्थायनानै काति गासाखौ सावनानै फालिनायनि गेजेरजों सासेबो आबादारिफोरा खहा जानाङा आरो खस्थ’ मोन्नाङा बेनि थाखाय काति गासानि गेजेरजों ओन्सोलनि आबादारिफोरखौ बिमा लोक्षिआ बोर होयो आरो ओन्सोलाव गोजोन खौसेथिया फैयो बेनि थाखाय आर’ज खालामनानै गोसो गोर्बोजों आबादारिफोरनिसिम गाहाम हामब्लायथिनायखौ खौरांगिरिनि सिगाडाव फोरमायथिदों।
फरायनायाव जोबोद लोरबांब्लाबो नीट आन्जादआव टप सारिआव उथ्रिनानै जाफुसारनाय मोन्नो हादों
गोदान दिल्ली, 17अक्टबरः देग्लायनि 2020 बोसोरनि एन इ इ टि एबा नीट आन्जादनि फिथाइखौ फोसावबाय । बे आन्जादनि फिथाइयाव सएब आफताबनि टप सारिआव उथ्रिसारनो हानाया मख’जाथाव जादों । सएब आफताबआ बे आन्जादआव 100 जौखोन्दो नम्बर लानानै उथ्रिसारनो हादों आरो बेबादि 100 जौखोन्दो नम्बर लानानै उथ्रिसारनो हानाय गिबि फरायसा जानो हादों। बिनि सिगां रावबो फरायसाफोरा 100 जौखोन्दो नम्बर मोन्नो हाफेराखैमोन । सएबआ 720 नम्बरनि गेजेराव 720 नम्बर लानो हादों । खौरां बिजोंनिफ्राय मिबथिनो मोननाय समाव एसेबां मोजांद्राय नङामोन आरो गोसो गैयै जोबोद लोरबांमोन । नाथाय उनाव मालायनिफ्राय थुलुंगा मोन्नानै फरायनायाव गोसो होयो आरो नांथाबो। जायनि थाखाय दिनैनि बे नीट आन्जादआव जाफुंसार फिथाइखौ मोन्नो हादों।
