गुवाहाटी, 25 आगस्टः पार्लियामेन्टनि गुबुन मोनसे बोसोरारि जथुमाखौ फैगौ 14 सेप्तेम्बरनिफ्राय 1 अक्टबरसिम खुंनो इसारा होदों। बे जथुमानि सोलिबाय थानाय समाव खेबसेबो बन्द थानाय नङा। सिगाङाव पार्लियामेन्टनि सदनआव सोलिनाय खामानि-दामानिफोरा शनिबार आरो रबिबारखालि बन्द थायोमोनब्लाबो फैगौ समनि पार्लियामेन्ट जथुमायाव करना भाइरासनि जाहोनाव सावरायनाय आयदाया थालांनायनि थाखाय फैगौ जथुमाया बे सान्नै सानावबो सोलिबाय थागोन।
सुलुंनिफ्राय मिबथिनाय बादिब्ला सानफ्रोमबो मोन्नै बाहागोयाव खुंनाय जागोन सदननि सावराय जथुमाखौ। फुनि बाहागोयाव खेबसे आरो मोनाबिलि बाहागोयाव खेबसे गासै 4 घन्टा नाङै फैगौ सदननि जथुमाया खुंजागोन। मिबथिनाय बादिब्ला पार्लियामेन्टनि बोसोरारि जथुमायाव गासै 18 खेब जथुमनाय जागोन होन्नानै सदननि मोनसे सुलुङा फोरमायदों।
करना भाइरासनि थाखाय सदननि जथुमनायखौ खुंगोननि फार्से राहा लानायनि बादिनो समाजयारि जान्थाय थानाय हुदाखौ फालिनाया गोनांथार जागोन आरो साफ्रामबो सदननि सोद्रोमाफोरखौनो टेस्ट खालामनाय जागोन होन्नानै सुलुंनिफ्राय मिबथिन्नो मोन्नाय जादों।
