• Home
  • /
  • National
  • /
  • हिमाचल प्रदेशआ बेरायनो थाखाय मोजां जायगा

September 8, 2020

हिमाचल प्रदेशआ बेरायनो थाखाय मोजां जायगा

गोदान दिल्ली, 8 सेप्तेम्बर : हिमाचल प्रदेशआ समायना ओन्सोल आरो हायेननि थाखाय मुलुगनां मुंदांखा। हादत आरो गुबुन हादतनिफ्राय सुबुंफोरा हिमाचलआव बेरायनो फैयो। हिमाचल प्रदेशनि हाजोआरि ओन्सोलआ हलिडे फालिनायजों लोगोसे हनीमुननि थाखायबो मोनसे मोजां थावनि। बे जायगानि मिथिंगाखौ सुबुंफोरा मोजां मोननानै बोसोरफ्रोमबो दावबायारिफोरा हिमाचलआव बेरायनो फैयो।
आथिखालआव बे जायगायाव माखासे औरैबायदि गोसोबोथावना आरो सोमोनांथाव जायगा दं जायनि सोमोन्दै मोनथिनानै गिखांनाय फैनो हागौ। बिनिनो मोनसेआ गाटा लुप्स, जाय गिदिंगिदां लामानि थाखाय मुंदांखा। गाटा लुप्सआव हेयारफिन बायदि गासै 21 था खंख्रा-खेंख्रि लामा दङ आरो बे जायगाया 17 रोजा फुट गोजौ हाजो थिखिनियाव दङ। दोंसे खेंब्रा-खेंख्रि लामानि जान्थाया 300-600 मिटार। बे लामाया सरासनस्रा नङा, मानोना गोबां सुबुंफोरा बे लामाजों थाङा आरो बारसनाय लामाजोंसो थाङो। अदेबानि ट्राकफोरनि थाखाय बे खेंखा-खेंख्रि लामाया साबसिन। मख'नो गोनांदि, गुसु बोथोराव बरफ गोग्लैनायनि जाहोनाव गाटा लुप्सनि सोमोन्दआ गुबुन राइज्योफोरजों गैया जायो।
Gata Loops
बिब्दिनो मिथिनो मोननाय जायोदि सानसेखालि बे लामानि गेजेराव गंसे ट्राकआ थाबथानानै थानांनायाव ट्राकनि मददगिरि (हेल्पार)नि देहानि हालोदआ गाज्रि जादोंमोन। बेनिखायनो गारि सालायगिरिया बिखौ नागारनानै साखाथिनि गामियाव थाङो। ट्राक सालायगिरिया गामिनि सुबुंफोरखौ ट्राक थाबथानाय जायगासिम लानानै थाङो। गोबाव सान रानथाब फोनथाब थानांनायाव हेल्पारआ बे जायगायावनो जिउ गोमायो। उनाव गामिनि मानसिफोरा बिखौ बे जायगायावनो सावखांनायनि उनाव बेयावनो गंसे फिसा न लुनानै गारबोयो। बुंनाय खोनायो बे गाटा लुप्सआव दाबो बिनि जिउमाया दङ आरो सोरबा सोरबा माब्लाबा नुयोबो। ओंखायनो बे लामाजों थांलाय फैलाय खालामग्रा दावबायारिफोरा बे फिसा नआव दै आरो गोनांथि जानाय मुवाफोर बाउलाङो।
Share with your friends!

Related Posts

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

रांखान्थि मन्थ्रिआ मैया मिरुनि बाजेटखौ थिसन्दों

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here