गोदान दिल्ली, 7 सेप्तेम्बरः हादतयाव थांनाय 24 घन्टानि गेजेराव सा 1,065 गोदानै थैनाय आरो सा 90,632 गोदान केस मोन्नाय जादों। बेनि उनाव हादतयाव गासै केसनि अनजिमाया 41,13,811 आरो थैनायनि अनजिमाया सा 70,642 जाहैयो होन्नानै सावस्रि बिफानआ थांनाय रबिबारखालि खौरां होयो।
आथिखालाव गासै केसफोरनि गेजेराव 8,62,320 एक्टिभ केस दंबावो। बेराफारसे 31,80,865 सुबुंफोरा दासिमाव गाहाम जाफिनबाय। सावस्रि बिफाननि अन्जिमानि बायदिब्ला, रिकभारि बिबाङ 77.32 जौखोन्दो आरो थैनायनि बिबाङा 1.72 जाहैबाय। हादतयाव बयनिख्रुइ बांसिन गोहोम गोग्लैनाय राइज्यो महाराष्ट्रयाव सा 26,176 सुबुंफोर थैनायजों लोगोसे गासै 8,83,862 केस मोनखांबाय।
बेनि उनाव अन्ध्र प्रदेश, तामिलनाडु, कर्नाटक, उत्तर प्रदेश, दिल्ली, सोनाब बंग' आरो बिहाराव बांसिन केस मोन्नाय जादों। इन्डियान काउन्सिल अफ मेडिकेल रिसार्च (आइसिएमआर) नि अन्जिमानि बायदिब्ला, भारतआ थांनाय बृहस्पतिबार खालि सानसेयावनो रेकर्ड महरै 10,92,654 आन्जाद नायनाय जादों। बिनि उनाव दासिमाव आन्जाद नायनाय नमुनाफोरनि गासै अन्जिमाआ 4,88,31,145 जाहैबाय। मुलुगआरि थाखोयाव भारतआ कभिड-19 इन्फेक्सन केसआव थामथि बयनिख्रुइबो बांसिन गोहोम गोग्लैनाय हादत जाबाय।
