• Home
  • /
  • National
  • /
  • हादतनि गोबां राइज्योफोराव बार्ड फ्लुआ गिथावनायै गोसारदों

January 12, 2021

हादतनि गोबां राइज्योफोराव बार्ड फ्लुआ गिथावनायै गोसारदों

गोदान दिल्ली, 12 जानुवारी: भारत हादरनि गेजेराव दासान्दि कभिड-19 नि गोसारनाया सोलिबाय थानायनि गेजेरावनो गुबुन मोनसे बेरामनि गोसारनायजों माखासे राइज्योफोरा मोनसे खैफोदजों मोगा-मोगि जानांदों। मिबथिनाय बादिब्ला, हादरआव दासिम कभिड-19 नि गोसारनाया सोलिबाय थानायनि गेजेरावनो गोबां राइज्योफोराव बार्ड फ्लुनि गोसारनाया गोबां गोहोम खोख्लैदों । बेफोर राइज्योफोराव एबियन इनफ्लुएन्जानि गोसारनाय होन्नानै मिबथिनाय जादों । गुबुन फार्सेथिं बेफोर राइज्योफोरनि अनगायैबो गुबुन राइज्योआवबो बार्डफ्लु बेरामनि गोसारनाया बारस्लायनो हमदों। दासान्दि उत्तर प्रदेश आरो उत्तराखन्डआव बार्डफ्लुनि गोसारनाया जागायजेन्नो हमदों। बे गिथावना थासारिनि समाव जिब-जुनात फिसिग्रा आरो डायेरी बिफाननि बिबानगिरि सुलुङा मिबथिहोनाय बादिब्ला, उत्तर प्रदेशनि कानपुरआव थानाय दाव दोनग्रा न'आव दावराइनि गांनि सेम्पलखौ आन्जाद खालामनायाव पजिटिभ मोन्नाय लोगो लोगो थासारिआ दुंहाव जायो। एरैहाय उत्तराखन्डनि खतडार आरो डेहराधुन जिल्लायाव दावखानि फारियै थैनायनि सायाव आन्जाद खालामनायनि गेजेरजों बार्डफ्लुनि सन्देरनाय एबा गोसारनायखौ मिबथिनो मोनो। बेनि अनगायैबो दिल्लीआव दावखा आरो गुबुन रोखोमनि दावफोरा थैनाय जाथायनि सायावबो आन्जाद खालामनायजों बार्डफ्लुनि सन्देरनायखौ मिबथिनो मोन्दों। राजस्तान, गुजरात, महारास्ट्र, झारखन्ड बायदि राइज्योफोराव दासान्दि बार्डफ्लुनि गोसारनाया जागायजेन्दों।

Share with your friends!

Related Posts

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

दिनैनिफ्राय आसामखौ लानानै मोनथाम राइज्योआव करना भेक्सिननि ट्राइल होनाया जागायजेनगोन

करनानि हेंथायै दावहा नांनायाव भारतआ देरहानायनि लामायाव

Published by

Bodosa


Bodosa is a Daily Newspaper, printed in Bodo language.

Leave Your Comment Here