गोदान दिल्ली, 9 सेप्तेम्बर : भारतआव करना भाइरासजों मंगलबारखालि सा 1,133 सुबुंफोरा जिउ गोमादों आरो 24 घन्टायाव 75,809 गोदान मामलाया सोरांआव फैदों। बेनि सिगां सानसेयावनो बयनिख्खुइबो बांसिनै सा 1,129 सुबुंफोरा 13 जुलाइखालि थैदोंमोन। भारतआ आमेरिकानि उनावनो नैथि बयनिख्खुइबो बांसिन गोहोम गोग्लैनाय हादत जाबाय।
भारतआव गासै 42,80,442 सुबुंनि देहायाव करना मोननाय जादों। फारसेथिं आमेरिकायाव 63,00,431 सुबुंफोर करना जादों आरो सा 1,89,206 आ करनाजों थैबाय। भारतआव सा 8,836,97 सुबुंफोरनि देहायाव करनाया एक्टिभ जाना दं, सा 33,23,950 सुबुंफोरा करनानिफ्राय बारगबाय आरो गासै सा 72,775 सुबुङा थैबाय। गाहाम देहा आरो न'खर जौगाखां मावख'नि अन्जिमा बादिब्ला हामखांनायनि हारआ 71.65 जौखोन्दो आरो थैनायनि हारआ 1.70 जौखोन्दो।
हादतयाव महारास्ट्र, अन्ध्र प्रदेश, तामिलनाडु, कर्नाटक आरो उत्तर प्रदेशआव बयनिख्रुइबो बांसिनै गोहोम गोग्लैदों, गाहाम देहा मावख'नि बादिब्ला, गासै करना एक्टिभ जाना थानायनि 62 जौखोन्दोआनो बै मोनबा राइज्योफोरनि। आरसिएमआरनि बादिब्ला समबाराव भारतयाव 10,98,621 करना टेस्ट खालामदों आरो हादतआव गासै 5,06,50,128 नमुनाफोरखौ टेस्ट खालामखांबाय।
