• Home
  • /
  • Health
  • /
  • सोरनो करना भेक्सिनखौ होग्रोनाय जागोन, बेखौ देहा मन्थ्रिया फोरमायदों

November 21, 2020

सोरनो करना भेक्सिनखौ होग्रोनाय जागोन, बेखौ देहा मन्थ्रिया फोरमायदों

गोदान दिल्ली, 21 नभेम्बर : करना भाइरास भेक्सिनखौ मोन्नायनि आसा खालामनाया बांनायजों लोगोसे सुबुंफोरनि उसु-खुथु जानायाबो बांदों। आथिखालाव सुबुंफोरा माब्ला करना भेक्सिनखौ मोनगोन बेखौ मोनथिनो हांडेर जादों। मदि सरकारआ सुबुंफोरनो करना भेक्सिन होनो आबुङै थियारि खालामबाय। देहा मन्थ्रि डाक्टार हर्षवर्धनआ सोरबायदि सुबुंफोरनो करना भाइरास भेक्सिनखौ होग्रोनाय जागोन बे बाथ्राखौ फोरमायादों। भेक्सिननि सायाव गावसोर गोरलैयै हाबाफारि मावदों। भारतआ भेक्सिन बानायनायाव मुलुगनि जायखि जाया हादतनिफ्राय उन जानानै थायाखै। फैनो गोनां 2021 नि जागाय जेन्नायाव भारतयाव भेक्सिनखौ सुबुंफोरनो जगायना होनाय जागोन।

Dr Harsh Vardhan

लोगोसेनो बियो फोरमायदोंदि, करना भेक्सिनआ जेब्ला थियारि जागोन, अब्ला बयनिख्रुइबो सिगां देहा मावसुमाफोर आरो बैसोगोरा सुबुंफोर (65 बोसोरनिफ्राय बांसिन बैसोनि सुबुंफोर) नो होग्रोनाय जागोन । हर्षबर्धनआ बुंदोंदि फैनो गोनां बोसोरनि जुलाइ-आगस्ट दानसिमाव 40-50 कौटि भेक्सिनखौ जगायना होनाय जागोन। बेखौ रान्नानै होनायनि फारिलाइखौबो थियारि खालामनाय जाबाय। आथिखालनि थासारि आरो भाइरासखौ बुथारनो हानाय गोहोखौ नोजोर होनानै बे थांखिखौ लानाय जादोंदि, बयनिख्खुइबो सिगां देहा मावसुमाफोरा एबा करना वारियर्सनो भेक्सिनखौ होनाय जागोन। बेनि उनाव 65 बोसोरनिफ्राय बांसिन बैसोनि सुबुंफोरनो करना भेक्सिनखौ होनाय जागोन।

Share with your friends!

Related Posts

चिरां जिल्लानि सान्तिपुरआव आइजो आरो गथसाफोरनि देहायारि जेंनाफोरनि सायाव सावराय जथुम खुंदों।

चिरां जिल्लानि सान्तिपुरआव आइजो आरो गथसाफोरनि देहायारि जेंनाफोरनि सायाव सावराय जथुम खुंदों।

सजना (ड्रमस्टिक्स) आ देहाजों लोगोसे आथोनारिनि थाखायबो मुलाम्फा गोनां

सजना (ड्रमस्टिक्स) आ देहाजों लोगोसे आथोनारिनि थाखायबो मुलाम्फा गोनां

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

मैखुनआ गुफुं देहाखौ फिसा खालामनायजों लोगोसे इमिउनिटिखौबो गोख्रों खालामो

मैखुनआ गुफुं देहाखौ फिसा खालामनायजों लोगोसे इमिउनिटिखौबो गोख्रों खालामो

Published by

Bodosa


Bodosa is a Daily Newspaper, printed in Bodo language.

Leave Your Comment Here