गोदान दिल्ली, 25 आगस्ट: बलिउड फावखुंगुर सेफ आली खानआ मोनसे ओरैबायदि नख'रनिफ्राय फैनाय, जायनि सोमोन्दै साफ्रोमबो मोनथिनो हास्थायो। बिनि सावथुन केरियारनि सोमोन्दै साफ्रोमबो मोनथिगौ, नाथाय बिनि फेन्सफोरा बिनि पार्सनेल लाइफखौबो मोनथिनो हास्थायो। आथिखालाव सेफ आली खानआ थाबैनो गावनि सावथुन केरियारजों लोगोसे गावनि पार्सनेल लाइफजों सोमोन्दो गोनां माखासे थाखोमाना थानाय बाथ्राफोरखौ पर्दायाव लाबोसिगोन।
सेफ आली खानआ आथिखालाव गावनि अटबाय'ग्राफीखौ लिरनो थांखि लादों। ट्रेड एनालिस्ट तरण आदर्शनि फार्सेनिफ्राय होनाय खौरांनि बायदिब्ला सेफ आली खानआ अटबाय'ग्राफी लिरसिगोन, जाय फैगौ बोसोराव रिलिस जागोन । फोरमायनाय बायदिब्ला, बे बिजाबआव सेफआ गावनि नख'रनि सुबुंफोर, न'-बां, जाफुंसारनाय, जाफुंसारै, थुलुंगाखांनाय आरो सावथुनफोरनि सोमोन्दै लिरगोन। सेफनि बे बिजाबआ रिलिस जानायनि उनाव बिनि जिउनि माखासे औरैबायदि बाथ्राफोरखौबो मोनथिनो मोनगोन, जायखौ फेन्सफोरा सिगांनिफ्रायनो मोनथिखायो जानांगौ ।
बे बिजाबखौ Harper Collins India आ सोराङाव लाबोनाय जागोन। मानिना लानाय जादोंदि, सावथुनआव सेफआ गोबां आयदाफोराव आबुङै बाथ्रा बुंनो हागौ मानोना स्टारआ गिबियावबो माखासे आयदानि सायाव नोजोर होना सुबुरुन होखांबाय।
