• Home
  • /
  • Entertainment
  • /
  • सुशान्त सिं राजपुतखौ बुथारनाय केसआ रोखा जानायनि लामायाव फैदों

September 7, 2020

सुशान्त सिं राजपुतखौ बुथारनाय केसआ रोखा जानायनि लामायाव फैदों

बलीउड डेस्क, 7 सेप्तेम्बर: बलीउडनि फावखुंगुर सुशान्त सिं राजपुत थैनाय जाथायाव सि बि आइ,  इन सि बि आरो इ डीनि नायबिजिरनाया सोलिबाय थानायखौ नुनो मोनदों। मोनथाम एजेन्सिफोरा फावखुंग्रि रिया चक्रबर्तीखौ गाहाय दायनिगिरि बानायदों। गासै जाथायाव ड्राग्सजों सोमोन्दो थानाया सोराङाव फैनायनि उनाव एन सि बिआ 5 सेप्तेम्बरखालि फावखुंगुरजों सोमोन्दो गोनां माखासे सुबुंफोरखौ ग्रेप्तार खालामो। नायबिजिरनाय एजेन्सिफोरा रिया चक्रबर्तीनि फंबाय शौबिक आरो हाउस मेनेजार सेमुएल मिरान्डाखौ ग्रेप्तार खालामदों।

Sushant-Singh-Rajput

फारसेथिं हमनानै लानाय जादोंदि, थाबैनो रिया चक्रबर्तीखौबो ग्रेप्तार खालामनो हागौ। आथिखालाव ड्राग्सजों सोमोन्दो गोनां गोदान खौरांबो मोन्नाय जादों। मिडिया रिपर्टनि बायदिब्ला शौबिक आरो मिरान्डाआ सिमान लादोंदि, गावसोर फावखंग्रि रिया चक्रबर्तीनि बुंनायावसो ड्राग्सखौ बायदोंमोन । फार्सेथिं रिपर्टयाव बेबो सोराडाव फैदोंदि, ड्राग्सखौ बायनो थाखाय रिया चक्रबर्तीनि क्रेडिट कार्डखौ बाहायनाय जायोमोन। बे गासैबो जाथायाव सेमुएल मिरान्डाजों लोगोसे माखासे सुबुंफोरा लोब्बा दङ। बेनि सिगां एन सि बिआ रिया, शौबिकजों कानेक्सन थानायनि जाहोनाव ड्राग्स पेडलारफोरखौबो ग्रेप्तार खालामदोंमोन । बिसोरनि गेजेराव सासेआ सिमान लादोंदि, गाव शौबिक चक्रबर्तीखौ मिबथियो। बेनि थाखाय गाव बान्द्रानि फुटबल क्लाबआव लोगो हमोमोन।

Reah

मख'नो गोनांदि, सुशान्त सिं राजपुत थैनाय जाथायाव ड्राग्सनि एंगलआ बै समाव सोराङाव फैदोंमोन जेब्ला इ डीनि नायबिजिरनायाव रिया चक्रबर्तीनि हवाटसएप चाटआ सोराङाव फैदोंमोन । बेवहाय रियाआ रोखा महरै ड्राग्सनि बागै बाथ्रा सावरायदोंमोन। एम एस धनी: दा अनटल्ड स्टरी, केदारनाथजों लोगोसे माखासे बलीउड सावथुनफोराव फाव खालामखांनाय सुशान्त सिं राजपुतआ 14 जुनआव थैदोंमोन।

Share with your friends!

Related Posts

पुनम पान्डेनि हेंथायै गवायाव केस थिसन्दों

पुनम पान्डेनि हेंथायै गवायाव केस थिसन्दों

शिल्पा शिन्देआ एक्ता कापुरनि वेब सिरिज पौरशपुरजों डिजिटेल डेब्यु खालामसिगोन

शिल्पा शिन्देआ एक्ता कापुरनि वेब सिरिज पौरशपुरजों डिजिटेल डेब्यु खालामसिगोन

सनु सुदआ रुंसारि जानाय बिमा सरजनि थैनाय सानआव स्कलारसिप स्कीमखौ जागायजेनदों

सनु सुदआ रुंसारि जानाय बिमा सरजनि थैनाय सानआव स्कलारसिप स्कीमखौ जागायजेनदों

Published by

Bodosa


Bodosa is a Daily Newspaper, printed in Bodo language.

Leave Your Comment Here