यरुशलम, 22 आगस्ट: फिलिस्तीयानाअव थानाय हमासनि उतखारिफोरा गाजापटटीनिफ्राय इज्राइलनि सायाव गं 12 था रकेटजों गाग्लोबो। बे गाग्लोबनायजों सिमायाव हरसे मानि दावराव दावसि सोमजियो। इज्राइलआ हमासनि रकेट गाग्लोबनायखौ लानानै जेब्लाबो एलार्टयाव थायो, बेनिखायनो बे खेबावबो बिसोरनि गं 9 था रकेटखौ गोजाननिफ्रायनो गावहरदों ।
बेरा फारसे, अज्राइलनि सान्थ्रि हान्जायाबो फिन्नाय होनाय बायदियै उतखारि आफाद हामासनि केम्पनि सायाव गं 3 एयार स्ट्रीकजों गाग्लोबो। बेयो थांनाय माखासे दाननि गेजेराव गाजा सिमानि खाथियाव जानाय बयनिख्रुइ देरसिन दावराव-दावसि। बे गाग्लोबनायाव आथिखालाव रावनिबो जिउ ख'हा जानायनि खौरां मोन्नाय जायाखै।
अदेबानि जायगानि पुलिसनि बायदिब्ला, गं 3 रकेटआ इज्राइलनि सिमा सिङाव गोग्लैफैयो, जायजों माखासे बिल्डिंफोर आरो गारिफोरा ख'हा जायो। आथिखालाव बम रैखाथि बिफानखौ बेर नायनि बायखोन्दा थुख्राफोरखौ बुथुमनो थाखाय जाथाय जानाय जायगायाव दैथाय हरनाय जाबाय। मख'नो गोनांदि, आथिखालनि सप्ताहयाव हमासजों लोब्बा गोनां आफादफोरा इज्राइलनि सायाव दबथायनो थाखाय आबादथिलिफोरखौ सावनो थाखाय बेरफ्रुग्रा बेसाद बाहायदों।
