• Home
  • /
  • Entertainment
  • /
  • सावथुन रिया चक्रबर्तीनि सायाव बानायनाय सावथुन न्याय दा जास्टिसनि सुटिंखौ जागायबाय

September 5, 2020

सावथुन रिया चक्रबर्तीनि सायाव बानायनाय सावथुन न्याय दा जास्टिसनि सुटिंखौ जागायबाय

गोदान दिल्ली, 5 सेप्तेम्बर : ससियेल मिडिया आरो मिडियानि खौरांफोराव थांनाय नै खावसे दानफोरनिफ्राय सुशान्त डेथ मिस्ट्रिआव माखासे थाखोमाना थानाय बाथ्राफोरा सोराङाव फैदों। मोनबा नायबिजिरग्रा एजेन्सिफोरा नायबिजिरनायनि जाहोनाव सानफ्रोमबो गोदान बाथ्राया सोराङाव फैदों। बेनि गेजेराव केसनि सानै गाहाय सुबुंफोरनि जिउआव सावथुनफोरखौ बानायनाया जागायबाय। सुशान्तनि उनाव रिया चक्रबर्तीनि सायाव सावथुन बानायनाया जागायखांबाय।

Reah Chakrvetry

रियानि सायाव बानायनाय बे सावथुननि टाइटेलखौ न्याय दा जास्टिस दोन्नाय जादों। सावथुनआव टिभि फावखुंगुर जुबेर के खानखौ सुशान्त सिं राजपुतनि फाव खालामनाय नुनो मोनगोन। फार्सेथिं फावखंग्रि श्रेया शुक्लाखौ रिया चक्रबर्तीनि फाव खालामनाय नुनो मोनगोन। सावथुननि मुहुर्तआ 1 सेप्तेम्बरआव जानो गोनांमोन आरो सुटिंखौ 2 सेप्तेम्बरनिफ्राय जागायबाय। बे सावथुनखौ मुम्बाइनि मड आइलेन्डआव सुटिं खालामनाय जादों। न्यायखौ दिलीप गुलाटीआ डायरेक्सन खालामदों। सुशान्तनि फाव खालामनाय फावखुंगुर जुबेरआ इन्सटाग्रामआव सावथुनजों सोमोन्दो गोनां माखासे सावगारिफोरखौबो सेयार खालामदों। सुशान्तनि नख'रनि उकिल बिकाश सिंआ सानसे सिगां प्रेस कनफारेन्सनि गेजेरजों बुंदोंमोनदि, सुशान्तनि सायाव जायखि-जाया रोखोमनि टिभि श्व' वेब सिरिज एबा बिजाब लिरनायखौ नख'रनि गनायथि गैयालासे दिहुन्नो मोन्नाय नङ।

Share with your friends!

Related Posts

पुनम पान्डेनि हेंथायै गवायाव केस थिसन्दों

पुनम पान्डेनि हेंथायै गवायाव केस थिसन्दों

शिल्पा शिन्देआ एक्ता कापुरनि वेब सिरिज पौरशपुरजों डिजिटेल डेब्यु खालामसिगोन

शिल्पा शिन्देआ एक्ता कापुरनि वेब सिरिज पौरशपुरजों डिजिटेल डेब्यु खालामसिगोन

सनु सुदआ रुंसारि जानाय बिमा सरजनि थैनाय सानआव स्कलारसिप स्कीमखौ जागायजेनदों

सनु सुदआ रुंसारि जानाय बिमा सरजनि थैनाय सानआव स्कलारसिप स्कीमखौ जागायजेनदों

Published by

Bodosa


Bodosa is a Daily Newspaper, printed in Bodo language.

Leave Your Comment Here