गोदान दिल्ली, 24 आगस्ट: बलिउड फावखुंग्रि सारा आली खानआ आथिखालाव गावनि सावगारिफोर आरो फिटनेसखौ लानानै खौराङाव थाबाय थायो। फावखंग्रिआ ससियेल मिडियाआव गोबां एक्टिभ थाबाय थायो आरो एखेराहायै गावनि सावगारिफोरखौ सेयार खालामबाय थायो। बडि ट्रान्सफर्मेसननि उनाव साराआ गावनि जर'खा सिनायथिखौ बानायदों आरो बिनि फल'आर्सआबो गोबां बांदों। करना भाइरासनि जेंनायाव फावखुंग्रिया न'आवनो वार्कआउट खालामदों आरो गावनि देहाखौ नोजोर लाखिदों। बेनि गेजेराव फावखुंग्रिया मोनसे सावगारि सेयार खालामदों, जायखौ गोबां मोजां मोनजादों ।
मख'नो गोनांदि, सारा आली खानआ लैथोमा सेरनि मोनसे सावगारिखौ सेयार खालामदों, जेराव फावखुंग्रिया उनथिं जानानै नायहरदों। बे ब्लेक एन्ड हवाइट सावगारियाव सारानि खानाया बारजों बिरदों। हवाइट टपआव साराखौ गोबां मोजां नुनो मोन्दों आरो बिनि लुकखौ साफ्रोमबो मोजां मोन्दों। फावखुंग्रिया सावगारिखौ सेयार खालामनानै मोनथाम ब्लेक हार्ट बानायदों। बे सावगारियाव सुबुंफोरा गोबां कमेन्ट खालामदों आरो सुबुंफोरा अरनि इमजीजों लोगोसे फावखुंग्रिखौ हट होन्ना फोरमायदों। फार्सेथिं फावखंग्रिया बे सावगारिखौनो गावनि इन्सटा स्टरीआवबो आपलड खालामदों। लोगोसेनो बियो बे सावगारिखौ लानानै बुंदोंदि, ‘माइ हेयार माय चाइस'।
फावखुंग्रिया बे सावगारियाव स्टिकारखौ बाहायनानै गावनि बाथ्राखौ बुंदों। सारा आली खानआ गावनि लेटेस्ट सावगारिजों लोगोसे उन्दै समनि सावगारिखौ सेयार खालामनोबो गोबां मोजां मोनो। साराआ सम सम ससियेल मिडियाआव गावनि उन्दै समनि सावगारिखौ सेयार खालामबाय थायो। लोगोसेनो फावखंग्रिया आथिखालआव गावनि फिटनेसखौ जरखायै जोथोन लादों।
