• Home
  • /
  • Regional
  • /
  • साखा बन्द फोसावनायखौ बोखांनानै लाफिन्नो आसाम रोगाथाय बिफानआ खावलायदों

October 5, 2020

साखा बन्द फोसावनायखौ बोखांनानै लाफिन्नो आसाम रोगाथाय बिफानआ खावलायदों

गुवाहाटी, 5 अक्टबर: राइज्योयाव दावबायारिफोरनि थाखाय हान्था-मेला एबा दावबायनाय बिथिङाव सिबिथाय होग्रा अल आसाम मथर ट्रेन्सपर्ट एससियेसनआ बासनि भाराखौ बांहोनो दाबिजों गाबोन 5 अक्टबरनिफ्राय राइज्योनाङै सिमा गैयै साखा बन्द फोसावदों । बेराफार्से टेन्सपर्ट एससियेसननि बे सिमा गैयै साखा बन्द फोसावनाया थारैनो सरासनस्रा राइजो-राजा एबा दावबायारिफोरा जेंनायाव गोग्लैगोनखौ नुनो मोनहरदों। जायनि थाखाय आसामनि रोगाथाय बिफाननि मन्थ्रि ट्रेन्सपर्ट एससियेसननि बे थांखिखौ बोखारनानै लाफिन्नो खावलायदों ।

Transport

मख'नाय जायोदि, रोगाथाय बिफाननि मन्थ्रिआ राइज्योनाङै साखा बन्द फोसावनायखौ बोखारनानै लाफिन्नो खावलायनायजों लोगोसे फैगौ 6 अक्टबराव बे आयदानि सायाव सावरायनो थाखाय मोनसे मेल जथुमनो ट्रेन्सपर्ट एससियेसनखौ खावलायदों। राइज्योनि रोगाथाय बिफानआ ट्रेन्सपर्ट एससियेसननो गांसे लाइजामआव लिरहरदोंदि, राइज्योनि रोगाथाय मन्थ्रिआ फैगौ 6 अक्टबर, 2020 अक्टखालि बेलासि ब्रै रिंगायाव खानापारायाव थानाय आसाम एडमेनिस्ट्रेटिभ स्टाफ कलेजआव मोनसे मेल हांख्रायनाय जादों। बे मेलयाव आसाम ट्रेन्सपर्ट एससियेसननि जेंना आयदाफोरनि सायाव गेबेङै सावरायनो थि खालामनाय जादों। बेनिखायनो गोजौयाव मख'खानाय अक्ट, सम आरो जायगायाव एससियेसननि बिबानगिरिफोरखौ बाहागो लाफैनो थाखाय खावलायहरनाय जादों। बेजों लोगोसेनो रोगाथाय बिफानआ एससियेसननिफ्राय फोसावनाय 5 अक्टबरनिफ्राय राइज्योनाङै सिमा गैयै साखा बन्द फोसावनायखौबो बोखारना लाफिन्नो लाइजामनि गेजेरजों खावलायहरो। गमामायैनो जुदि राइज्यो रोगाथाय बिफाननि बे खावलायनायखौ आसाम मथर ट्रेन्सपर्ट एससियेसनआ गनायोब्ला राइज्योनि सरासन्त्रा राइजो-राजा एबा दावबायारिफोरा जेंनाजों मोगा-मोगि जानायनिफ्राय रेहाय मोन्नो हागोन।

Share with your friends!

Related Posts

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

दुलाराइ बाथौ गौथुमनि आफादगिरि ड० लिलाधर ब्रह्मनि बान्द्रा आसारखौ दिनै खुंफुंबाय।

दुलाराइ बाथौ गौथुमनि आफादगिरि ड० लिलाधर ब्रह्मनि बान्द्रा आसारखौ दिनै खुंफुंबाय।

फैगौ 10 नबेम्बर खालाराव अदालगुरियाव करेन्द्र बसुमतारिनि सारादु खुंगोन ।

फैगौ 10 नबेम्बर खालाराव अदालगुरियाव करेन्द्र बसुमतारिनि सारादु खुंगोन ।

Published by

Bodosa


Bodosa is a Daily Newspaper, printed in Bodo language.

Leave Your Comment Here