• Home
  • /
  • BTR
  • /
  • संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

July 15, 2022

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

तामुलपुर ,15 जुलाइ : बोसोरफ्रोमबो दैज्लां बोथोर सफैब्लाथाय जावले-जावले माथावरि बायफ्लंनानै बोसोराव खनब्रै-खनबा बानदो थेनानै संखा बानदो, जामफैनि दैखौ दिखांनो गोनां जाबोदों पलासगुरि, दकिन पलासगुरि आरो कादंगा गामिनि आबादारिफोरा  ।

नाथाइ बे बोसोरावबो जावले-जावले माथावरि बायफ्लंनायाव बानदो दिखांनो हायैलाय तामुलपुर जिल्लानि 26 नं दारांगाजुलि बियाबनि चेछापानि पलासगुरि, दकिन पलासगुरि आरो कादंगा गामिनि आबादारिफोरा जिंगा सिनांदों ।

तामुलपुर बियाबनि  बारग’ MLA इमानुवेल मोसाहारी,26 नं दारांगाजुलि बियाबनि MCLA बिजिदगोरा नार्जारी, बिथांमोननो बेनि सायाव राहा खालामनानै होनो थाखाइ आर’ज बिलाइ गथाइनानै खावलाइदोंमोनब्लाबो बेनि सायाव जेबो राहा खालामनानै होआखै होननानै अजद दिखांदों आबादारिफोरा ।

नाथाइ आबाद फोथाराव दै थोबसेबो गैयैनि जाउनाव नांगोला नांगोलैनो गोलैना दं खोथिया थिलियाव खोथियायैनो दं, दै दिखांनानै माइ आबाद बोखांनो हागोनना हाया दुखुजों खाफाल हमदों  चेछापानि पलासगुरि गामिनि आबादारिफोरा ।

आसाम राइजोआव हिमन्त बिस्व सर्मा दैदेननाय BJP सरखार आरो बि टि आराव प्रमद बर’ दैदेननाय UPPL सरकार लोगोसे 58 नं तामुलपुर बिधान सभा बियाबनि MLA जलेन दैमारी, 26 नं दारांगाजुलि बियाबनि MCLA बिजिदगोरा नार्जारी बिथांमोनखौ थाबैनो राहा खालामनानै होनो खौरांगिरिनि गेजेरजों खावलाइदों पलासगुरि, दकिन पलासगुरि, कादंगा गामिनि आबादारिफोरा ।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

कुमारिकाटा UN एकाडेमियाव दान मोनसेनि गोलोम बोथोर बन्दनि समाव सोलिगासिनो दामजु दामनाइ सोलोंथाइ मावबादा ।

कुमारिकाटा UN एकाडेमियाव दान मोनसेनि गोलोम बोथोर बन्दनि समाव सोलिगासिनो दामजु दामनाइ सोलोंथाइ मावबादा ।

Published by

Bodosa


Bodosa is a Daily Newspaper, printed in Bodo language.

Leave Your Comment Here