मुलुगनाङैनो सुबुंफोरा गुफुं देहानि जेंनाजों भुगिनांदों । बेयो मोनसे सरासनस्रा जेंना। जानाय-लोनायाव सांग्रांथि गैयै आरो गाज्रि जिउ खुंनायनि हुदाफोरनि जाहोनावबो देहानि लिरथाया बांनो हमो। सुबुंफोरा देहानि लिरथायखौ खमायनो थामहिनबा सामलायनो थाखाय गोबां घन्टा हालागै वार्क आउट खालामो, डाइटिं खालामो आरो गावनि जानाय लोंनायावबो बासियो।
नाथाय बिब्दि खालामब्लाबो खायसेफोरा मोजां फिथायखौ मोन्नो हाया। बेनि सोमोन्दै जर'खाफोरा बुंदोंदि, जेब्लासिम सुबुङा केलरि गेननि समानथि रुजु ज'खायाव केलरिआ बर्न एबा खामग्लिनाय जाया अब्लासिम सुबुङा गुफुं देहानिफ्राय रैखाथि मोना।
गुफुं देहाखौ सामलायनायनि मोनसे गोरलै आरो सरासन्ना मोनसे राहायानो जादों लेमन टी। बेयो देहानि लिरथायखौ बाङाइ खालामनायाव मख'जाथाव। जों बयबो मिथिगौदि लेबुयाव भिटामिन सिआ गोबां बिबांनि थायो। बेजों खालि इम्युन स्टेमाल गोनों जाया, फेटआबो बर्न एबा खामग्लियो। सरासन्नायै जों नुयोदि सुबुंफोरा गुफुं देहाखौ बाङाइ खालामनो थाखाय फुङाव उदै खालियाव लेबुनि सरबत लोङो।
डाक्टारफोराबो लिरथाय बाङाइ खालामनायनि थाखाय उदै खालियाव लेबुनि सरबत लोंनो सुबुरुन होयो। फार्सेथिं लेबुनि साहा थामहिनबा लेमन टीआबो देहा सोलेरनि लिरथाय बाङाइ खालामनायाव मख'जाथाव। एसियान जार्नेल अफ हम साइन्सनि मोनसे रिसार्चनि बादिब्ला, भिटामिन सिआ देहा सोलेरआव गोहो महरै थानाय फेट एबा मेजेमखौ बार्न एबा खामग्लिहोयो।
भिटामिन सिआ मेजेम गलिलांनायनि हाबाफारियावबो गाहाय बिफाव लायो। बेनि जाहोनाव लिरथाय बांनायखौ बाङाइ खालामनायाव लेबु आरो लेबुनि जुथाय एबा लेबु थाफानाय लोंग्रा मुवाया मदत होयो। बेनिखायनो देहानि लिरथायखौ बाङाइ खालामनो थाखाय सानफ्रोमबो काप 2 लेमन टी लोंनांगौ । जर'खायै फुंनि समाव उदै खालियाव लेमन टिखौ लोङोब्ला मुलाम्फा गोनां जायो।
