गुवाहाटी, 11 सेप्तेम्बरः गिख्रंथाव करना भाइरासआ भारतआवबो गोख्रोङै गोसारनायखौ दबथायनो थाखाय हादरनाङै लकडाउन फोसावजेननाय समनिफ्रायनो थांनाय मार्स दाननिफ्राय रेल सिबिथाया आबुङै बन्ध जानानै थाबोदों।
बेनि गेजेरावबो गुबुन राइज्योफोराव थाबथानानै थानाय सुबुंफोरखौ गावबा-गाव राइज्योफोराव लाबोफिननायनि थाखाय माखासे जर'खा श्रमीक ट्रेनफोरखौ सोलिहोनाय जादोंमोन। बेबादिनो हादरनाडै गासै गं 15 स्पेसियेल राजधानी रेलआ हगारजादोंमोन। बे समाव रेलवे बिफाना दावबायारिफोरनि थाखाय मोनसे गोजोनथाव खौरां फोसावदों।
रेलवे बिफाना थांखि लानाय बादियै फैगौ 12 सेप्तेम्बरनिफ्राय हादराव गं 80 रेलफोरा हगारजासिगोन। बेनि गेजेरावनो गं 4 रेलफोरखौ सा-सान्जा ओनसोलनि थाखाय हगारनाय जागोन। सा-सान्जा ओनसोलनिफ्राय सप्ताहयारि हिसाबै दिब्रुगड़निफ्राय अमृतसरसिम रेल हगारनायजों लोगोसे आगरटलानिफ्राय देउघरसिम सप्ताहयारि हिसाबै रेल सिबिथाया सोलिगोन।
एरैहाय गुवाहाटीनिफ्राय बेंगालरसिम सप्ताहयाव सानथामै रेल सिबिथाय होगोन। बेजों लोगोसे सानफ्रामबो गुवाहाटीनिफ्राय लालगड़सिम दावबायारि रेल सिबिथाय सोलिगोन।
