गोदान दिल्ली, 24 सेप्तेम्बर : मुंदांखा कमिडि श्व' तारक मेहेता का उल्टा चश्मा'आ थांनाय 12 बोसोरनिफ्राय सुबुंफोरखौ मिनिहोबोदों। बेयो दासिमबो नायगिरिफोरजों मोजां मोनजानाय श्व'फोरनि गेजेराव मोनसे। बे श्व'नि साफ्रोमबो फावगिरिफोरा गाव गावनि फावजों सुबुंफोरनि गोसोआव जरखा जायगा लानो हादों।
बे श्व'आव सुबुंफोरा बयनिख्रुइबो बांसिन जेठालालनि आलादा आलादा आखुजों गावनि न'खाथिनि समायना बबिताजीखौ इम्प्रेस खालामनो नाजानायखौ मोजां मोनो। बबिताजीनि फावआव फाव खालामग्रा फावखंग्रि मुनमुन दत्तया नंगुबै जउआवबो गोबां स्टाइलिस। बेनि माखासे सावगारिफोरा ससियेल मिडियाआव भाइरेल जादों।
