हाउसनिफ्राय बिबुंथि होनो लुबैदों ट्राम्पआ वाशिंटन, 11 आगस्ट: आमेरिकानि हादतगिरि डनाल्ड ट्राम्पआ बृहस्पतिबाराव बुंदोंदि, बियो हादतगिरि मासिनि थाखाय रिपाब्लिक पार्टीनि बिजाथिखौ गनायना लानायनि उनाव हवाइट हाउसआव बिबुंथि होनो गोसो जादों। 75 बोसोरनि ट्राम्पआ रिपाब्लिकान पार्टीनिफ्राय फिन खेबसेबाव हादतगिरि मासिनि बादायलायनायाव दं। ट्राम्पआ जिअपिनि बांसिन प्राइमारि बिसायख'थियाव देरहानायखौ थिसन्नो हादों । सोलिफु दाननि जोबथायाव रिपाब्लिकान पार्टीआ अनलाइन सम्मेलनाव बिखौ रोखा महरै बिजाथि फोसावगोन । बे हाबाफारिया गिबियाव सा केरलाइनायाव जानो गोनांमोन आरो उनाव बेखौ फ्लरिडानि जैक्सनविलेयाव खुंनो थांखि लानाय जादों। नाथाय करना भाइरासनि बांबोबाय थानाय मामलाखौ नोजोर होनानै बेखौ केन्सेल खालामनाय जादों आरो बेखौ अनलाइननि गेजेरजों खुंनो लानाय जादों। बाइडेनखौ हादतगिरि मासिनि थाखाय डेमक्रेटिक पार्टीनि बिजाथि महरै फोसावनायखौ फैगौ 20 आगस्टआव मोनसे अनलाइन हाबाफारिनि गेजेरजों फोसावनाय जागोन। बियो गावनि बिजाथिखौ गनायनानै डेलावेयारनिफ्राय बिबुंथि होगोन । निउया पस्टनो होनाय मोगा-मोगियाव ट्राम्पआ बुंदोंदि, बियो रिपाब्लिकान नेसनेल कन्बेन्सननि बिबुंथिखौ हवाइट हाउसनि लननिफ्राय होनो लुबैयो । मानोना बेयो एरैबायदि जायगा जेराव गाव गोजोन मोन्दांथियो आरो हादतआबो गोजोन मोन्दांथियो। बेयो इडि आरो संगालि सिबिथायनि थाखायबो मोजां जागोन। बे हाबाफारियाव बाहागो लानो गोनां हेफाजाबगिरिफोरनि सायाव ट्राम्पआ बुंदों माखासे सुबुंफोरा फैनो हागोन। बेयो मोनसे गिदिर लन। गोबां अन्जिमानि सुबुंफोरा बेयाव फैनो हागोन।
- Home
- /
- International
- /
- रिपाब्लिक पार्टीनि बिजाथि आजावनानै हवाइट
