नेपिडा, 24 आगस्ट: म्यानमारयाव थानाय रहिंग्या मुसलमानफोरनि गामियाव करना भाइरासनि खैफोदआ साग्लोबसारदों। बेवहाय दासिमाव माखासे मामलाखौ थिसन्नाय जाखांबाय। रखाइन राइज्योनि सितावे सहर आरो बेनि खाथि खालानि सा 130,000 रहिंग्याफोरा केम्पयाव थादों। जुदि करना इनफेक्सनया बाङोब्ला रोजा सुबुंफोर थानायनि जाहोनाव बिसोरखौ सामलायनो हागोना गोब्राब जागोन।
सहरयाव थांनाय सप्ताहयाव 48 मामलाखौ थिसन्नाय जादोंमोन, जाय म्यानमारयाव दासिमाव 400 मामलाफोरनि गेजेराव 10 जौखोन्दो बांसिन। बेखौ नोजोर होनानै सरकारा कार्फिउ लागायदों आरो गासिबो स्कुलफोरखौ बन्द खालामबाय।
बावयैसो समाव बिबानगिरिनि मोनसे हान्जाया थाए चुंग केम्पखौ दावबाय हैदों आरो सुबुंफोरनो ससियेल डिस्टेन्सिं बादि राहाखौ मोनथि होदों। नाथाय बेखौ फालिनाया रहिंग्या मुसलमानफोरनि थाखाय जेंना गोनां मानोना नख'रसेयावनो 10 था नख'रा थायो । टीमया केम्पयाव सेनेटाइजार आरो मास्कखौबो रान्ना होदों।
