• Home
  • /
  • Sports
  • /
  • मुलुगनि गोख्रों फुटबल गेलेगिरि नेइमारनि देहायाव करना पिजिटिभ

September 4, 2020

मुलुगनि गोख्रों फुटबल गेलेगिरि नेइमारनि देहायाव करना पिजिटिभ

गोदान दिल्ली 4 सेप्तेम्बर: थांनाय बावैसो साननि गेजेराव गेलेलांनाय सेम्पियन्स लीगनि फाइनालाव जेननांनाय पेरिस सेन्ट जार्मान सुंदयै पि एस जि क्लाबनि सा 3 फुटबल गेलेगिरिफोरनि देहायाव करना पजिटिभ मोन्दों। फ्रान्सनि सेथि थाखोनि फुटबल क्लाबआ 2 सेप्तेम्बरखिल बे बाथ्राखौ मिथिहोदों। पि एस जि क्लाबआ हान्जानि करना सन्देरजानाय गेलेगिरिनि मुंखौ मिथिहोयाखैब्लाबो नाथाय मोनसे सुलुङा बिसोर सा 3 गेलेगिरिफोरनि गेजेराव नेइमारआबो करना सन्देरजादों होन्नानै मिथिहोदों।

थांनाय सेम्पियन्स लीगयाव जार्माननि क्लाबजों जेन्नांनायनि उनाव हान्जाया मोनसेबो मेचखौ गेलेयाखैमोन। नाथाय सा 3 गेलेगिरिनि देहायाव टेस्ट खालामनायनि गेजेरजों पजिटिभ केसखौ मोन्नो हायो। पि एस जि क्लाबआ फैगौ सिजननि फ्रेन्स लीगयाव गेलेनायखौ फैगौ 10 सेप्तेम्बरनिफ्राय जागायजेनगोन। बेनि सिगांनो सा 3 गेलेगिरिनि देहायाव करना पजिटिभ मोन्नाया हान्जानि थाखाय जिंगासिथावना जादों। दासान्दि नेइमारजों लोगोसे सन्देरजानाय गुबुन सानै गेलेगिरिफोरनि मुंखौ एन्जेल डि मारिया आरो लियेन्द्र पेरेडसखौ देहाफाहामसालियाव थिसन्नाय जादों। सुलुंनि बायदिब्ला बिसोर सा 3 गेलेगिरिया हान्जानिफ्राय जानगारथ'नानै स्पेनआव बेरायनो थांदोंमोन होन्ना मिथिनो मोन्दों। 

Superster Footbler Naymar

मख'नो गोनांदि, 4 बोसोरनि सिगां बार्सिलना क्लाबखौ नागारनायनि उनाव नेइमारआ 2017 माइथायाव गासै 19.8 कौटि डलाराव फ्रान्सनि सेथि क्लाब पि एस जिजों गेलेनो गोरोबथा जायो आरो गावनि गेलेनायखौ बे क्लाबआव नेइमारआ गोख्रों खालामनो हानायजों हान्जानि गुबुन सासे गोनां गेलेगिरि महरैबो मिथिजायो। खौरां बिजोङाव खेबलेखेबले फैदोंब्लाबो नेइमारआ फ्रान्सनि क्लाबआव थानानै करना सन्देरजानाय खौरांखौ जेबो बायजोयाव ओंखारहोयाखै। नाथाय नेमारनि देहायाव करना पजिटिभ मोन्नाया रोखा जादों । गुबुन फारसेथिं मोनसे खौराङाव ओंखारदोंदि, नेइमारआ बार्सिलना क्लाबआव लियनेल मेसिजों गेलेनो थाखाय हास्थायदों। नेइमारआ बार्सिलना क्लाबआव फैफिन्नो थाखाय पि एस जि क्लाबनि गावनि मोन्नाय धोननिफ्राय 60 रोजा पाउन्डखौ मोनफ्रोम सप्ताहयावनो होनांगोन।

Share with your friends!

Related Posts

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

Published by

Bodosa


Bodosa is a Daily Newspaper, printed in Bodo language.

Leave Your Comment Here