वासिंटन, 26 सेप्तेम्बर : मुलुग नाडै करना भाइरासनि केसआ गोख्रैथिजों बारायगासिनो दङ। जन्स हपकिन्स मुलुग सोलोंसालिनि बाइदिब्ला, शुक्रबार सिमाव मुलुग नाङैनि गासै केसफोरनि अन्जिमाया 3,27,69,408 बारबाय आरो थैनायनि बिबाङा बारायनानै 9,93,542 जाबाय आरो हामखांनायनि बिबाङा 2,41,78,570 जाहैबाय।
करना भाइरासआ मुलुगनि गेजेराव बयनिख्रुइबो बांसिनै गोहोम गोग्लैनाय हादतआ आमेरिका। सि एस एस इनि बाइदिब्ला, आमेरिकाआव दासिमाव गासै सा 72,44,184 केस मोन्नाय जादों आरो बेनि गेजेराव सा 2,08,440 सुबुंफोरा थैबाय। बेराफार्सेथिं भारतआ 5,903,932 केसजों लोगोसे नैथि सारियाव सौहैबाय। अदेबानि भारतआव करनाजों थैनायफोरनि अन्जिमाया 93,410 जाहैबाय।
