• Home
  • /
  • International
  • /
  • मुलुगनाङै सा 2.26 कौटि सुबुंफोरा करनाजों सन्देरजादों

August 21, 2020

मुलुगनाङै सा 2.26 कौटि सुबुंफोरा करनाजों सन्देरजादों

वाशिंटन, 20 आगस्टः मुलुगनि गेजेराव गिख्रंथाव करना भाइरासजों सुबुंफोरनि भुगिनांनाय अनजिमाआ दासिम सा 2 कौटि 26 लाख 26 रोजा 878 केस जाहैबाय । बेनि गेजेराव सा 1 कौटि 53 लाख 40 रोजा 76 सुबुंफोरा फाहामथायनि गेजेरजों गाव-गावनि न' फारसे गिदिंलांफिन्नो हाबाय। नाथाय करना भाइरासनि हेथायै सा 7 लाख 91 रोजा 880 सुबुंफोरा जिउ खहा जानांबाय।

मुलुगनि गेजेरावनो दासान्दि गिखंथाव करना भाइरासनि गोसारनाया गोखै सोलिबाय थानायनि गेजेराव आमेरिका हादतआवनो करना भाइरासजों सन्देरजानाय एबा बुगिनांनाय सुबुंफोरा दासिम सा 57 लाखनिख्रुइबो बांसिन जाहैबाय। बेनि गेजेराव सा 30 लाखनिख्रुइबो बांसिन सुबुंफोरा देहा फाहामथायनि गेजेरजों मोजां देहानि हालोदआव फैफिन्नो हादों। सुलुंनि बादिब्ला, आमेरिका हादतनि सिङाव थानाय केलिफर्निया राज्योआव गासै सा 6.47 लाख सुबुंफोरनि देहाआव करना पजिटिभ केसखौ मोन्नो हानायानो बयनिख्रुइबो बांसिन केस जादों। जेराव सुबुंफोरनि थैनाय अनजिमाआबो बे राइज्योआव सा 11 रोजा जाहैदों।

गुबुन फारसेथिं चीनआ दाबि खालामनाय बादिब्ला, थांनाय ब्रै दाननि गेजेराव हादतनि देहा फाहामसालिफोराव करना भाइरासजों सन्देरजानाय सासेबो सुबुंफोरा जिउ खहा जायाखै। हादतनि नेसनेल हेल्थ कमिसननि बिबानगिरि यानहंगआ बुडोदि, सन्देरजानाय करनानि बेरामिफोरखौ फाहामथाय होनायाव चीननि आलादा आदब आरो सानखांथिया गोनांथार जादों। हादतयाव फारियै बाथि सानाव सासेबो सुबुंफोरनि देहायाव करना पजिटिभनि केसखौ मोन्नो हायाखै। थांनाय मंगलबारखालि गुबुन हादतनिफ्राय फैनाय सा 7 सुबुंफोरखौ टेस्ट खालामनायनि गेजेरजों पजिटिभ केस मोन्नो हादों।

 मख'नो गोनांदि, मुलुगनि गुबुन गुबुन हादतयाव गिखंथाव करना भाइरासनि गाज्रियै गोहोम गोग्लैनाय हादतफोरा फारियै आमेरिकायाव सा 57 लाखनिख्रुइबो बांसिन, ब्राजिलआव 37 लाखनिख्रुइबो बांसिन, भारतयाव 28 लाखनिख्रुइबो बांसिन, रासियाआव 9 लाखनिख्रुइबो बांसिन, खोला आफ्रिकायाव 5 लाखनिख्रुइबो बांसिन, पेरुआव 5 लाखनिख्रुइबो बांसिन, मेक्सिक'याव 5 लाखनिख्रुइबो बांसिन, कलम्बिया आरो सिली हादतयाव 5 लाखनि खाथियाव दासिम बुगिनांनाय सुबुंफोरनि अन्जियामा सौहैदों। गुबुन फार्सेथिं भारत हादतयाव सानफ्रोमबो गोबां सुबुंफोरखौ करना सन्देरनाय केस मोन्नो हानायजों बारायबाय थानाया जिंगा सिथावना खालामदों।
Share with your friends!

Related Posts

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

बे सहरयाव 60 सान खोमसि जागोन

Published by

Bodosa


Bodosa is a Daily Newspaper, printed in Bodo language.

Leave Your Comment Here