• Home
  • /
  • Sports
  • /
  • मुम्बाइ इन्डियान्सआ गोदान जार्सिखौ बेखेवदों

September 2, 2020

मुम्बाइ इन्डियान्सआ गोदान जार्सिखौ बेखेवदों

मुम्बाइ, 1 सेप्तेम्बर: इउनाइटेड आरब इमारेट हादरआव 13 थि सिजन इन्डियान प्रिमियार लीगखौ गेलेनो दावबायलांनाय गुबुन मोनसे हान्जा मुम्बाइ इन्डियान्सआ फैगौ आइपिएलआव गोदान थांखिनि मिजिंजों गेलेनो थियारि जानायनि सिगां गोदान जार्सि बेखेवदों। बाथि खेब आइपिएलखौ देरहानो हानाय मुम्बाइ इन्डियान्स हान्जाया आइपिएलनि थाखाय बेखेवनाय गोदान जार्सिनि गाबआ ब्लु आरो गल्ड कालारनि होन्नानै मिबथिनाय जादों। करना भाइरासनि जाहोनआव बे खेबनि 13 थि सिजन आइपिएलनि गेलेनायखौ इउएइ हादरआव खुंनो लादों।

बेनि थांखियावनो मुम्बाइ इन्डियान्स हान्जानि गेलेगिरिफोरा दासान्दि गेलेथिलिआव सौहैनायजों प्रेक्टिस खालामनायखौ सोलिहोबाय थानायबो नुनो मोन्दों। हान्जानि केप्तेन रहित शर्माया बुङोदि, गोदान जार्सिनि गेजेरजों हान्जाया 13 थि सिजननि आइपिएलखौ गोख्रोङै  गेलेनो हागोन आरो बे जार्सिआ हान्जानि थाखाय खाफाल गोनां जागोन होन्नानैबो बुंबावो। मुम्बाइ इन्डियान्सआ आइपिएलनि गेलेनाय जारिमिनआव थांनाय 2013, 2015, 2017 आरो 2019 माइथायाव देरहानो हादोंमोन। थांनाय सिजननि आइपिएलनि फाइनाल मेचआव रहित शर्मानि दैदेन्नाय मुम्बाइ इन्डियान्सआ 1 राननि फारागथियाव चेन्नाइ सुपार किंगसखौ फेजेन्नो हादों ।

 मुम्बाइ इन्डियान्सनि जानानै गेलेनो थियारि जानाय गेलेगिरिफोरनि मुङा फारियै केप्तेन रहित शर्मा, जासप्रीट भुमराह, हार्दिक पन्डिया, कुनाल पन्डिया, कुइन्टन डिकक, किरन पलार्ड, लाचित मालिंगा, इसान किसन, सुर्य कुमार यादब, राहुल साहर, अनमलप्रीट सिं, जइन यादब, आदित्य तारे, अनुकुल राय, दभल कुलकार्नी, मिचेल मेक्लाडेन, क्रिस लिन, सौरभ तिवारी, नाथन कुल्टार नाइल, मसिन खान आरो दिग बिजय देशमुख।
Share with your friends!

Related Posts

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

Published by

Bodosa


Bodosa is a Daily Newspaper, printed in Bodo language.

Leave Your Comment Here