मलाइका आरड़ाजों लोगोसे सनु सुदआ मुन्नी बदनाम हुइ देंखोआव मोसानानै

दोहौ सोमजिहोदोंमोन गोदान दिल्ली, 14, आगस्ट : बलिउट फावखुंगुर सनु सुदआ थांनाय माखासे साननिफ्राय गावनि सावथुन एबा फावनि अनगायै गावनि गोसो गुवार दिन्थिनायनि थाखाय खौराङाव थाबाय थादों। लकडाउनआव बियो रोजा रोजा गुबुन राइज्योनि लेबारफोरखौ बिसोरनि न सिम दैथाय हरनायनि बिबानखौ आजावना लादोंमोन। फारसेथिं गोबां गुबुन गोनांथिफोरखौ नोजोर लाखिनानै बियो गोबां सुबुंफोरखौ मदत खालामदोंमोन । बेनि गेजेराव सनु सुदआ डान्स रियेलिटि श्व' इन्डियान बेस्ट डान्सारआव आलासि जानानै फैदों। बे श्व'जों सनु सुदनि माखासे सावगारिफोर आरो भिडियआ ससियेल मिडियाआव भाइरेल जागासिनो दङ। बे सावगारिफोराव बिखौ जाजफोरनि गेजेराव मलाइका आरड़ाजों लोगोसे नुनो मोन्दों । बेनि सिगां बावैसो समाव बिखौ दा कपिल शर्मा श्व'आव नुनो मोन्दोंमोन। इन्डियान बेस्ट डान्सारजों सोमोन्दो गोनां बे भिडियआव जाज गीता कापुर, टेरेन्स लुइस आरो मालाइका आरड़ामोनखौ बिखौ बरायनाय नुनो मोन्दों। बे भिडियआव श्व'नि हस्ट भारती सिंखौ बुनाय नुनो मोन्दोंदि, इयुनआव जुदि गावनि आरो हार्ष लिंबाचियाना फिसाज्ला जायोब्ला बियो सनु सुद बायदि जाथों। बे श्व'नि समाव सनु सुद आरो मालाइका अरड़ाखौ सावथुन दाबंगनि मुंदांखा देंखो मुन्नी बदनाम हुइआव मोसानाय नुनो मोन्दों।