• Home
  • /
  • International
  • /
  • भारतनि डिजिटेल स्ट्राइक खालामनायखौ चीनया रागा जोंदों

September 5, 2020

भारतनि डिजिटेल स्ट्राइक खालामनायखौ चीनया रागा जोंदों

गोदान दिल्ली, 5 सेप्तेम्बर : चीनआ गावसोरनि एप्सफोरखौ होबथानायखौ डाब्लिउ टि अनि नेमखान्थिखौ सिफायनाय फोरमायदों। चीनआ बुंदों, गावसोरनि एप्सफोरखौ होबथानायजों भारतीय बाहायगिरिफोर आरो चीननि फालांगिरिफोरा मुलाम्फा जानाय नङा। चीननि फालांगि मावख'नि बुंथिगिरि गाओ फेंगआ बुंदों, भारतीय हान्जाआ माहारियारि रैखाथिनि नेमखान्थिखौ गोरोन्थियै बाहायदों आरो चीननि कम्पानीफोरनि हेंथायै फारागथि नेमखान्थिखौ आजावना लादों।

Chinese App Ban

चीनआ आर'ज गाबोदि, भारतआ गावसोरनि गोरोन्थि नेमखान्थिखौ थाबैनो सुस्राङो। फेंगआ बुंदों, रांखान्थि आरो फालांगि हेफाजाब होलायनाय दरनै हादतफोरनि आखायाव दं। भारतआ गुबुन हादतनि इनभेस्टमेन्ट खालामग्राफोर आरो सिबिथाय होग्राफोरनि थाखाय उदाडै फालांगि, खालामनो हानायनि थासारि बानायनानै लानांगौ। भारतीय बाहायगिरिफोरा हादरनि अलखदखौ बेबादि खालामनायजों बांसिन ख'हा गोनां जागोन। भारत आरो चीन सिमानि गेजेराव गोबाव समनिफ्राय जेंना सोमजिनायनि गेजेराव मिरु सरकारा मोनसे गोख्रों थांखि लादों। सरकारआ चीननि सायाव थामथि डिजिटेल स्ट्राइक खालामनानै मुलुगनाडै बयबो सुबुंफोर अन्सायनाय पि इउ बि जि गेमजों लोगोसे 118 था मबाइल एप्सखौ बेन खालामबाय। बेनि सिगांबो सरकारआ चीननि माखासे एप्सफोरखौ बन्द खालाम खांबाय। एप्सखौ बन्द खालामनायनि खौरां होनानै आइटि मावख'आ बुंदों, खौरां आरो टेक्नलजि मावख'आ भारत सरकारनि बिथोन धारा 69-ए नि गेजेरजों बे थांखि लानायखौ गनायथि होबाय। बे 118 था मबाइल एप्सआ गुबुन गुबुन राखोमनि खैफोदखौ नुजाथि होदोंमोन, जायनि जाहोनाव बेखौ बन्द खालामनाय जादों।

Share with your friends!

Related Posts

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

बे सहरयाव 60 सान खोमसि जागोन

Published by

Bodosa


Bodosa is a Daily Newspaper, printed in Bodo language.

Leave Your Comment Here